Yangi yil dasturxoni uchun ajoyib gazak — kolbasa va pishloqli uy

Bayram dasturxoni uchun mazali bo‘lishi bilan birga ajoyib ko‘rinishga ega pishloq va kolbasadan kulba gazagini tayyorlaymiz.

Kerakli mahsulotlar:

• qaymoq-pishloq – 230-250 gramm;
• smetana – 80 gramm;
• qattiq pishloq – 230-250 gramm;
• krakerlar – 2 qadoq;
• dudlangan kolbasa va tayoqchalar, sarimsoq kukuni, tuz va ziravorlar.

1. Qaymoqli pishloq, smetana, sarimsoq kukuni, tuz va ziravorlar mikser qilinadi.
2. Ustidan qattiq pishloq qirg‘ichdan o‘tkazib solinadi.
3. Tayyor bo‘lgan aralashma muzlatkichga 1 soatga qo‘yiladi.
4. Massaning usti bir tekisda bo‘lishi uchun krakerlar terib chiqiladi.
5. Kulbaning deraza eshigi uchun joy qoldiriladi.
6. Massaning tepa qismiga tom shaklida kolbasa teriladi. Pastki qismi esa dudlangan tayoqcha bilan o‘raladi.
7. Deraza va eshik qismiga pishloq bilan bezak beriladi.
8. Dasturxonga tortish uchun muzlatkichda 30-60 daqiqaga qoldiriladi.