Qohira aeroportida xorijdan kelgan uch nafar fuqaroda koronavirusning “omikron” shtammi aniqlandi. Bu haqda Misr Sog‘liqni saqlash vazirligi spikeri Xusam Abdul G‘afforga tayanib, “Korrespondent.net” xabar berdi.
“Ular (sayyohlar — tahr.) yakkalangan, kasallar bilan har qanday aloqani istisno qilish maqsadida barcha ehtiyot choralari ko‘rilgan”, — deydi G‘affor.
Koronavirusning yangi “omikron” shtammi birinchi marta 11-noyabr kuni Janubiy Afrikada topilgan. Britaniyalik olimlarning ta’kidlashicha, yangi shtamm tarqalish tezligi tufayli avvalgilariga, jumladan, deltaga qaraganda xavfliroq bo‘lishi mumkin. Jahon sog‘liqni saqlash tashkiloti mavjud vaksinalar ushbu shtammga qarshi samarasiz bo‘lishi mumkin, degan shubhalar tufayli “omikron”ni xavfli deb tan oldi. Tashkilot, shuningdek, ilgari koronavirusni boshdan o‘tkazganlarda “omikron” bilan qayta kasallanish ehtimoli yuqoriligini ma’lum qildi. 15-dekabr holatiga ko‘ra, JSST “omikron” dunyoning 77 mamlakatida aniqlanganini e’lon qilgan.
Avvalroq Jahon sog‘liqni saqlash tashkiloti bosh direktori Tedros Gebreyesus koronavirusning yangi “omikron” shtammi sabab haddan ortiq jiddiy cheklovlarni joriy etayotganini ma’lum qilgandi.
Izoh (0)