Қоҳира аэропортида хориждан келган уч нафар фуқарода коронавируснинг «омикрон» штамми аниқланди. Бу ҳақда Миср Соғлиқни сақлаш вазирлиги спикери Хусам Абдул Ғаффорга таяниб, «Korrespondent.net» хабар берди.
Амалдорнинг сўзларига кўра, икки нафар беморда инфекциянинг ҳеч қандай белгилари намоён бўлмаяпти. Учинчи сайёҳда эса касаллик белгилари мавжуд, аммо у енгил шаклда, асоратларсиз ўтмоқда.
«Улар (сайёҳлар — таҳр.) яккаланган, касаллар билан ҳар қандай алоқани истисно қилиш мақсадида барча эҳтиёт чоралари кўрилган», — дейди Ғаффор.
Коронавируснинг янги «омикрон» штамми биринчи марта 11 ноябрь куни Жанубий Африкада топилган. Британиялик олимларнинг таъкидлашича, янги штамм тарқалиш тезлиги туфайли аввалгиларига, жумладан, дельтага қараганда хавфлироқ бўлиши мумкин. Жаҳон соғлиқни сақлаш ташкилоти мавжуд вакциналар ушбу штаммга қарши самарасиз бўлиши мумкин, деган шубҳалар туфайли «омикрон»ни хавфли деб тан олди. Ташкилот, шунингдек, илгари коронавирусни бошдан ўтказганларда «омикрон» билан қайта касалланиш эҳтимоли юқорилигини маълум қилди. 15 декабрь ҳолатига кўра, ЖССТ «омикрон» дунёнинг 77 мамлакатида аниқланганини эълон қилган.
Аввалроқ Жаҳон соғлиқни сақлаш ташкилоти бош директори Тедрос Гебрейесус коронавируснинг янги «омикрон» штамми сабаб ҳаддан ортиқ жиддий чекловларни жорий этаётганини маълум қилганди.
Изоҳ (0)