Xitoy o‘zining sakkizta texnologik kompaniyasiga qarshi sanksiyalar joriy etgan AQShni tanqid qildi, deb xabar beradi “Kommersant”. Pekinning hisoblashicha, Vashington savdo qoidalarini qo‘pol ravishda buzmoqda va ilm-fanning rivojlanishga to‘sqinlik qilmoqda.
Xitoyning AQShdagi elchixonasi matbuot kotibi Lyu Penyuy yangi Amerika sanksiyalariga izoh bergan. Uning ma’lum qilishicha, Xitoy AQShni sanksiyalar qo‘llash bo‘yicha “noto‘g‘ri amaliyotini zudlik bilan to‘xtatishga” chaqirmoqda. Diplomat Pekin Xitoy korxonalari va ilmiy-tadqiqot institutlarining huquq va manfaatlarini himoya qilish choralarini ko‘rishini qayd etgan.
Matbuot kotibining so‘zlariga ko‘ra, AQSh o‘z harakatlari bilan “erkin savdo qoidalarini qo‘pol ravishda buzib, global sanoat va qiymat zanjirlari xavfsizligiga jiddiy tahdid solyapti”. Bundan tashqari, Vashington ilm-fan va texnologiyaning rivojlanishiga to‘sqinlik qilmoqda, shuningdek, barcha mamlakatlardagi odamlarning farovonligi va manfaatlariga”ga jiddiy putur yetkazyapti, shu jumladan, AQShning o‘ziga ham.
Amerika Moliya vazirligi Xitoydagi sakkizta texnologik kompaniyani mamlakat harbiylariga aloqasi borlikda gumonlab, sanksiya joriy etgan. Cheklovlarga, xususan, yuzni tanish bo‘yicha dasturiy ta’minot yaratuvchilar, shuningdek, superkompyuterlar va videokuzatuv tizimlarini ishlab chiqaruvchilar duch kelgan.
Mavzuga doir:
Xitoy AQSh va Kanadani Shinjon-Uyg‘ur avtonom hududi tufayli Xitoyga qarshi uyushtirgan “xato harakatlarini” tuzatishga va Xitoyning ichki ishlariga aralashishni bas qilishga chaqirgan.
Izoh (0)