“Barselona” yarim himoyachisi Pedri Golden Boy—2021 sovriniga ega chiqdi, deya xabar qilmoqda Tuttosport.
Har yili Yevropaning eng yaxshi yosh o‘yinchisiga taqdim etiladigan mazkur sovrin uchun kurashda ispaniyalik 18 yoshli futbolchi eng ko‘p ovozni to‘plagan.
Ushbu sovringa Pedridan boshqa yana 19 nafar futbolchi da’vogarlik qilayotgandi — Karim Adeyemi (“Zalsburg”), Jud Bellinghem (“Borussiya D”), Eduardo Kamavinga (“Real”), Sharl de Ketelare (“Bryugge”), Gavi (“Barselona”), Brayan Xil (“Tottenhem”), Rayan Gravenberx (“Ayaks”), Meyson Grinvud (“Manchester Yunayted”), Daniel Maldini (“Milan”), Jamal Musiala (“Bavariya”), Nunu Mendesh (“PSJ”), Roberto Pikkoli (“Atalanta”), Yeremi Pino (“Vilyarreal”), Jovanni Reyna (“Borussiya D”), Rodrigo (“Real”), Bukayo Saka (“Arsenal”), Florian Virts (“Bayer”), Vilyam Saliba (“Marsel”), Yurrien Timber (“Ayaks”).
Mukofotni topshirish marosimi 15-dekabr kuni Turinda bo‘lib o‘tadi.
Tuttosport tomonidan topshiriladigan ushbu mukofotga 2020-yilda “Borussiya D” hujumchisi Erling Holand loyiq ko‘rilgandi.
Golden Boy Yevropada yilning eng yaxshi yosh futbolchisiga beriladigan sovrin. Mukofot sohibi 21 yoshdan oshmagan, Yevropa chempionatining yuqori divizionida harakat qilayotgan bo‘lishi kerak. Ushbu sovrinni Tuttosport gazetasi 2003-yildan buyon muntazam ravishda topshirib kelmoqda. Golden Boy’ning ilk sohibi “Ayaks”da to‘p surgan Rafael van der Vart bo‘lgan.
Golden Boy'ning barcha sohiblari:
- 2003 — Rafael van der Vart (“Ayaks”)
- 2004 — Ueyn Runi (“Manchester Yunayted”)
- 2005 — Lionel Messi (“Barselona”)
- 2006 — Sesk Fabregas (“Arsenal”)
- 2007 — Serxio Aguero (“Atletiko Madrid”)
- 2008 — Anderson (“Manchester Yunayted”)
- 2009 — Aleshandro Pato (“Milan”)
- 2010 — Mario Balotelli (“Manchester Siti”)
- 2011 — Mario Gyotse (“Borussiya D”)
- 2012 — Isko (“Malaga”)
- 2013 — Pol Pogba (“Yuventus”)
- 2014 — Rahim Sterling (“Liverpul”)
- 2015 — Antoni Marsyal (“Manchester Yunayted”)
- 2016 — Renatu Sanshesh (“Bavariya”)
- 2017 — Kilian Mbappe (“PSJ”)
- 2018 — Matteys de Ligt (“Ayaks”)
- 2019 — Joau Feliks (“Benfika”/ “Atletiko Madrid”)
- 2020 — Erling Holand (“Borussiya D”)
- 2021 — Pedri (“Barselona”)
Izoh (0)