Futbol bo‘yicha Italiya A Seriyasining 13-turidan o‘rin olgan bir qator uchrashuvlar 21-noyabr, yakshanba kuni bo‘lib o‘tdi.
“Roma” safarda “Jenoa”ga qarshi bahs olib bordi. O‘yinda hisob 82-daqiqaga kelib ochildi. Genrix Mxitaryanning qoyilmaqom reydidan keyin Feliks Afena-Gyan darvozani ishg‘ol qildi. Hakam tomonidan qo‘shib berilgan vaqtda Afena-Gyan dublni rasmiylashtirgan holda yakuniy hisobni o‘rnatdi.
Uchrashuvni asosiy tarkibda boshlagan Eldor Shomurodov 75-daqiqada zaxiraga olindi. Uning o‘rnini 18 yoshli Afena-Gyan egallagandi.
Mazkur g‘alaba orqali rimliklar 22 ochko bilan 5-o‘rinni saqlab qoldi. Andrey Shevchenkoning debyut o‘yinida mag‘lubiyatga uchragan “Jenoa” esa 9 ochko bilan 18-pog‘onada bormoqda.
“Inter” o‘z uyida “Napoli”ni qabul qildi. Uchrashuvning 17-daqiqasida mehmonlar Pyotr Zelinskining golidan keyin oldinga o‘tib oldi. 25-daqiqada Xoqon Chalxono‘g‘lu penaltini aniq amalga oshirib, hisobni tenglashtirdi. Birinchi bo‘lim yakunida Ivan Perishich milanliklarning ikkinchi golini urdi. 61-daqiqada Lautaro Martines hisobni 3:1 ko‘rinisha olib kelgan bo‘lsa, 78-daqiqada Dris Mertens yakuniy hisobni o‘rnatdi — 3:2.
“Inter” ushbu g‘alabadan keyin ochkolarini 28 taga yetkazib oldi va uchinchi o‘rinda bormoqda. Mavsumdagi ilk mag‘lubiyatini qabul qilib olgan “Napoli” (32) esa peshqadamlikni saqlab turibdi.
A Seriya
13-tur bahslari
21-noyabr, yakshanba
“Jenoa” — “Roma” 0:2
Gol: 0:1 – 82 Afena-Gyan, 0:2 – 90+4 Afena-Gyan.“Jenoa”: Sirigu, Sabelli (Gilyone, 84), Masello, Biraski (Byanki, 84), Vaskes, Kambyazo, Badel (Galdames, 90), Sturaro (Buksa, 90), Rovella, Pandev (Ernani, 63), Ekuban.
“Roma”: Ruy Patrisiu, Karsdorp, Manchini, Kumbula (Smolling, 87), Rojer, Mxitaryan, Veretu, Pellegrini (Bove, 90), Shomurodov (Afena-Gyan, 75), Abraham, ash-Shaaravi.
Ogohlantirishlar: Kambyazo (32), Veretu (40), Badel (54), Sabelli (78), Afena-Gyan (89).
“Inter” — “Napoli” 3:2
Gollar: 0:1 – 17 Zelinski, 1:1 – 25, penalti Chalxano‘g‘lu, 2:1 – 44 Perishich, 3:1 – 61 Martines, 3:2 – 78 Mertens.“Inter”: Handanovich, Darmian, Ranokkiya, Shkrinyar, Bastoni, Perishich (Satriano, 88), Brozovich, Chalxono‘g‘lu (Vidal, 62), Barella (Dimarko, 75), Korrea (Jeko, 62), Martines (Galyardini, 75).
“Napoli”: Ospina, Di Lorenso, Kulibali, Rrahmani, Mariu Ruy, Zelinski, Fabian Ruis, Zambo-Angissa, Insinye (Mertens, 75), Losano (Elmaz, 75), Osimhen (Petanya, 55).
Ogohlantirishlar: Osimhen (10), Kulibali (24), Rrahmani (35), Chalxono‘g‘lu (41), Vidal (72), Handanovich (84), Jeko (90).
Izoh (0)