Futbol bo‘yicha Ispaniya La Ligasining 14-turida “Real” 21-noyabr, yakshanba kuni “Granada” maydonida mehmon bo‘ldi.
Uchrashuvning 19-daqiqasida Marko Asensio mehmonlarni oldinga olib chiqqan bo‘lsa, oradan ko‘p vaqt o‘tmay Nacho jamoasining ikkinchi golini urdi. 34-daqiqada Luis Suares Charris hisobni qisqartirdi.
56-daqiqada Vinisius Junior hisobdagi farqni oshirdi. 67-daqiqada maydon egalari bir o‘yinchi kam bo‘lib qoldi: Monchu to‘g‘ridan to‘g‘ri qizil kartochkaga loyiq ko‘rildi. 76-daqiqada Ferlan Mendi hisobni yirik ko‘rinishga olib keldi. Qolgan vaqtda hisob o‘zgarmadi.
“Real” ushbu g‘alabadan keyin ochkolarini 30 taga yetkazib olgan holda birinchi o‘ringa ko‘tarildi.
La Liga
14-tur bahsi
21-noyabr, yakshanba
“Granada” — “Real Madrid” 1:4
Gollar: 0:1 – 19 Asensio, 0:2 – 25 Nacho, 1:2 – 34 Suares, 1:3 – 56 Vinisius Junior, 1:4 – 76 Mendi.“Granada”: Luish Mashimianu, Kini, Dias (Torrente, 58), Xerman Sanches, Neva, Puertas (Montoro, 46), Gonalon (Isma Ruis, 59), Monchu, Rochina (Molina, 59), Soro (Eskudero, 78), Suares.
“Real Madrid”: Kurtua, Karvaxal, Alaba (Valexo, 83), Nacho, Mendi, Modrich (Isko, 80), Kroos (Kamavinga, 80), Kazemiro, Benzema (Yovich, 80), Asensio, Vinisius Junior (Rodrigo, 71).
Ogohlantirishlar: Montoro (62), Isko (80).
Chetlatish: Monchu (67).
Izoh (0)