«Барселона» ярим ҳимоячиси Педри Golden Boy—2021 совринига эга чиқди, дея хабар қилмоқда Tuttosport.
Ҳар йили Европанинг энг яхши ёш ўйинчисига тақдим этиладиган мазкур соврин учун курашда испаниялик 18 ёшли футболчи энг кўп овозни тўплаган.
Ушбу совринга Педридан бошқа яна 19 нафар футболчи даъвогарлик қилаётганди — Карим Адееми («Зальцбург»), Жуд Беллингҳем («Боруссия Д»), Эдуардо Камавинга («Реал»), Шарл де Кетеларе («Брюгге»), Гави («Барселона»), Брайан Хил («Тоттенҳэм»), Райан Гравенберх («Аякс»), Мэйсон Гринвуд («Манчестер Юнайтед»), Даниэль Мальдини («Милан»), Жамал Мусиала («Бавария»), Нуну Мендеш («ПСЖ»), Роберто Пикколи («Аталанта»), Ереми Пино («Вильярреал»), Жованни Рейна («Боруссия Д»), Родриго («Реал»), Букайо Сака («Арсенал»), Флориан Вирц («Байер»), Вильям Салиба («Марсель»), Юрриэн Тимбер («Аякс»).
Мукофотни топшириш маросими 15 декабрь куни Туринда бўлиб ўтади.
Tuttosport томонидан топшириладиган ушбу мукофотга 2020 йилда «Боруссия Д» ҳужумчиси Эрлинг Ҳоланд лойиқ кўрилганди.
Golden Boy Европада йилнинг энг яхши ёш футболчисига бериладиган соврин. Мукофот соҳиби 21 ёшдан ошмаган, Европа чемпионатининг юқори дивизионида ҳаракат қилаётган бўлиши керак. Ушбу совринни Tuttosport газетаси 2003 йилдан буён мунтазам равишда топшириб келмоқда. Golden Boy’нинг илк соҳиби «Аякс»да тўп сурган Рафаэл ван дер Варт бўлган.
Golden Boy’нинг барча соҳиблари:
- 2003 — Рафаэл ван дер Варт («Аякс»)
- 2004 — Уэйн Руни («Манчестер Юнайтед»)
- 2005 — Лионель Месси («Барселона»)
- 2006 — Сеск Фабрегас («Арсенал»)
- 2007 — Серхио Агуэро («Атлетико Мадрид»)
- 2008 — Андерсон («Манчестер Юнайтед»)
- 2009 — Алешандро Пато («Милан»)
- 2010 — Марио Балотелли («Манчестер Сити»)
- 2011 — Марио Гётце («Боруссия Д»)
- 2012 — Иско («Малага»)
- 2013 — Пол Погба («Ювентус»)
- 2014 — Раҳим Стерлинг («Ливерпуль»)
- 2015 — Антони Марсьяль («Манчестер Юнайтед»)
- 2016 — Ренату Саншеш («Бавария»)
- 2017 — Килиан Мбаппе («ПСЖ»)
- 2018 — Matteйс де Лигт («Аякс»)
- 2019 — Жоау Феликс («Бенфика»/ «Атлетико Мадрид»)
- 2020 — Эрлинг Ҳоланд («Боруссия Д»)
- 2021 — Педри («Барселона»)
Изоҳ (0)