Buyuk Britaniyada bundan 10 yil avval yo‘qolgan Katta Jinj laqabli mushuk egasining oldiga qaytib keldi. Bu haqda BBC nashri ma’lum qilgan.
Ta’kidlanishicha, mushuk 2011-yilda egalari Kolin Kleyton va Yeva Bella Birmingem tumanida aylanib yurgan vaqt yo‘qolgan. Katta Jinjdan tashqari juftlikning hamisha o‘zi bilan olib yuradigan yana ikkita mushugi bo‘lgan. Ammo kunlardan bir kun Jinj uyga qaytmagan. Besh kun mushukni qaytishini kutgan juftlik keyinroq uni qidiruvga bergan. Katta Jinjning uysiz emasligini bildiruvchi chipi bo‘lgan va aynan shu uning topilishiga yordam bergan.
Mushukni topgan odamlar uning yonboshida o‘simta borligiga ko‘zi tushgan. Veterinarga olib borilganida chip borligi aniqlangan va shu orqali uning egalari bilan bog‘lanilgan. Ammo mushukning 10 yil ko‘chalarda qanday yashagani noma’lum. Undagi o‘simtaning esa zararsiz ekani ma’lum bo‘lgan.
Mavzuga doir:
- Kompyuter o‘yinlari haqida sayt mushuk tomonidan yozilgan maqolani e’lon qildi. O‘quvchilar unga bahsli, ammo jasoratli matn uchun Pulitsar mukofotini berishni taklif qilmoqda
- “Hammaning qalbida yuz beradigan holatning ifodasi”. TikTok’da Misha laqabli g‘amgin mushuk ishtirokidagi roliklar ommalashdi (video)
Izoh (0)