Буюк Британияда бундан 10 йил аввал йўқолган Катта Жинж лақабли мушук эгасининг олдига қайтиб келди. Бу ҳақда BBC нашри маълум қилган.
Таъкидланишича, мушук 2011 йилда эгалари Колин Клейтон ва Ева Белла Бирмингем туманида айланиб юрган вақт йўқолган. Катта Жинждан ташқари жуфтликнинг ҳамиша ўзи билан олиб юрадиган яна иккита мушуги бўлган. Аммо кунлардан бир кун Жинж уйга қайтмаган. Беш кун мушукни қайтишини кутган жуфтлик кейинроқ уни қидирувга берган. Катта Жинжнинг уйсиз эмаслигини билдирувчи чипи бўлган ва айнан шу унинг топилишига ёрдам берган.
Мушукни топган одамлар унинг ёнбошида ўсимта борлигига кўзи тушган. Ветеринарга олиб борилганида чип борлиги аниқланган ва шу орқали унинг эгалари билан боғланилган. Аммо мушукнинг 10 йил кўчаларда қандай яшагани номаълум. Ундаги ўсимтанинг эса зарарсиз экани маълум бўлган.
Мавзуга доир:
Изоҳ (0)