“Hammaning qalbida yuz beradigan holatning ifodasi”. TikTok’da Misha laqabli g‘amgin mushuk ishtirokidagi roliklar ommalashdi (video)

Misha laqabli yo‘l-yo‘l mushuk TikTok qahramoniga aylandi. Uning egasi Yuliya yuzi doimo g‘amgin bo‘lgan uy hayvoniga video platformadagi akkauntini bag‘ishladi, deb yozadi Esquire.

Roliklarda Misha deyarli har doim kameraga uzoq tikilib, qayg‘uli musiqa jo‘rligida paydo bo‘ladi. Izohlarda foydalanuvchilar uy hayvonini “Mo‘jizalar maydoni” ko‘rsatuvi boshlovchisi Leonid Yakubovich bilan solishtirgan. Mushukning teran qiyofasiga qarab ko‘p yillik tajribaga ega ekanligini va hayot bir marotaba berilishi va abadiy emasligini anglash mumkin.

“U go‘yo sevgi, og‘riq, ayriliq, quvonch, qayg‘u, yolg‘izlikni ko‘rganga o‘xshaydi”, –  ta’kidlaydi foydalanuvchilar. Shuningdek, ular mushuk egasiga uy hayvonini yaxshilab parvarish qilishini va tez-tez ovqatlantirishni maslahat bergan. Bunga Yuliya Misha “sevgi va g‘amxo‘rlik”da yashaydi, deb javob qaytargan.

“Hammaning qalbida yuz beradigan holatning ifodasi”, — deb izoh qoldirgan TikTok foydalanuvchisi Mishaning yana bir boshqa videosiga.

Shuningdek, ba’zi videolarga Yuliya hayotiy vaziyatlarning matnli tavsifini qo‘shgan, chunki mushukning qayg‘uli yuzi ta’sirchanlikni yanada oshiradi.