Bu Yangi Zelandiyaning Antarktidadan kelgan pingvin bilan tarixda uchinchi marta uchrashishidir, deb yozadi Esquire.
Ma’lum bo‘lishicha, sohildagi pingvinni mahalliy aholi payqab qolgan. Ular it yoki mushuklar pingvinga hujum qilishidan qo‘rqib, mutaxassislarni chaqirgan. Voqea joyiga yetib kelgan soha vakillari uni faqat Antarktidada yashaydigan pingvinlar turiga mansubligini anglab, hayratda qolgan.
Jonzot taxminan 3000 kilometr masofani bosib o‘tgani uchun ham chanqagan va och qolgan. U suv va baliq smuzisi bilan oziqlantirilgan, shundan so‘ng dengiz qushi o‘z-o‘zidan uyiga qaytishi mumkin degan umidda yarim orolning xavfsiz qirg‘og‘iga qo‘yib yuborilgan.
Mutaxassislarning fikricha, Yangi Zelandiyada Antarktida pingvinining paydo bo‘lishi iqlim o‘zgarishi oqibati bo‘lishi mumkin. Bungacha pingvinlarni Yangi Zelandiya sohillarida atigi ikki marta — 1962 va 1993-yillarda ko‘rishgan.
Izoh (0)