Yangi zelandiyalik bloger Liam Tompson keksaygani tufayli zinapoyaga chiqishda qiynaladigan Frodo laqabli mushugi uchun lift yasab berdi. Buni Tompson o‘zining YouTube kanaliga joylashtirgan video orqali ma’lum qildi, deb yozadi Esquire.
Blogerning aytishicha, uning 20 yoshli mushugi avvalgidek harakatchan emas, lekin baribir uydan chiqib, issiq kunlarda hovuzda suzishni yaxshi ko‘radi. Frodoning zinapoyadan tushishini osonlashtirish uchun u lift yasadi.
Liftni yasash uchun to‘rt kun sarfladi. Buning uchun u boshqa narsalar qatorida harakatlanadigan eshik va faneradan foydalandi. Bloger materiallarni arraladi, silliqladi va tayyor bo‘lgandan so‘ng liftni yumshoq o‘yinchoqda sinab ko‘rdi. Lift tekshiruvdan o‘tgach, Frodoning o‘zi ham undan muvaffaqiyatli foydalandi.
Video YouTube’da deyarli 690 ming marta ko‘rilgan. Tompsonning kanali 1,86 million obunachiga ega.
Izoh (0)