Пентагон АҚШнинг ядровий сиёсатни қайта кўриб чиқиш борасидаги ҳаракатларига қарши чиқмоқда. Мазкур ташаббус доирасида Қўшма Штатлар мамлакат хавфсизлигини таъминлашда ядровий қуролнинг ролини чеклаши мумкин, деб хабар беради «РБК».
Politico нашрининг ёзишича, Миллий хавфсизлик кенгаши ноябрда Қўшма Штатлар ядровий қуролдан фойдаланиш шартлари муҳокама қилинадиган йиғилишни ўтказади. Маълумотларга кўра, мавжуд вариантлар орасида — қуролдан биринчи бўлиб фойдаланмаслик сиёсатини ёки мамлакат арсеналининг «ягона мақсади» ундан оддий урушларда фойдаланиш эмас, балки ядровий можаронинг олдини олиш баёнотини қабул қилиш.
Таъкидланишича, иккиси ҳам амалдаги концепциядан четлашишни англатган бўлади. Мамлакат биринчи бўлиб зарба бериш ёки бермаслиги борасидаги АҚШ сиёсати атайдан ноаниқлигича қолмоқда, ядровий арсенал «ядровий ва ядровий бўлмаган ҳужумларни ушлаб туриш» учун мўлжаллангани айтиляпти.
АҚШ Мудофаа вазирлиги киритиладиган ўзгартиришни қўллаб-қувватламайди, идора «Хитой ва Россия қуролланишни кучайтираётган пайтда статус-квони сақлаб қолиш ниятида». Ядровий стратегияга ўзгартириш киритиш борасидаги якуний қарорни президент Жо Байден қабул қилади. Аммо газета манбаларининг маълум қилишича, қарор давлат раҳбарига қандай нуқтаи назарлар тақдим этилишига боғлиқ бўлади. Мақолада қайд этилишича, Пентагон «унга катта танловни тақдим этиш ниятида эмас». «Ягона мақсад ёки биринчи зарба беришдан воз кечиш вариантлар сифатида тақдим этилиш эҳтимоли кам», — дейди идора вакили.
Пентагон вакили Жон Кирбининг сўзларига кўра, бу аниқ бўлмаган баёнот. Мудофаа вазирлиги ядровий доктринани қайта кўриб чиқиш бўйича «инклюзив, кенг қамровли жараёнда» иштирок этмоқда, бироқ қарор президент даражасида қабул қилади.
Пентагон ҳисоботига кўра, 2018 йилнинг февралидаги «Ядровий сиёсат обзори»га бўйича АҚШ ҳеч қачон ядровий қуролдан биринчи бўлиб фойдаланмаслик принципини қабул қилмаган ва замонавий хавфлар ҳисобга олинса, бу каби сиёсат мақбул эмас.
Аввалроқ Пентагон Хитой ўзининг ядровий кучларини кенгайтираётганини маълум қилганди. Унга кўра, Хитой 2027 йилга қадар қуролланишга 700 та ядро каллагини етказиб беришни, 2030 йилга бориб эса уларнинг сонини мингга етказишни режалаштирмоқда.
Изоҳ (0)