Joriy yilning kuzida Tashkent City hududida Hilton Auto Expo ko‘rgazmasi bo‘lib o‘tadi. 15 kun davomida sayilgoh hududi noyob avtomobillar uchun maydonga aylanadi. Tadbir ishtirokchilari avtomobil sanoatining yangiliklari bilan bevosita tanishishlari va hatto avtomobil sotib olishlari mumkin.
5-noyabr kuni Tashkent City sayilgohida Hilton Auto Expo avtomobil ko‘rgazmasining ochilish marosimi bo‘lib o‘tadi. Tadbirda yirik avtosalonlar, xususiy to‘plamlarda saqlanayotgan noyob avtomobillar, avtomobil ishlab chiqaruvchilar va tyuning studiyalari, avtomobil uchun mahsulotlarni ishlab chiqaruvchilar va sohaning ko‘plab vakillari ishtirok etishadi. Hududda yigirmaga yaqin ko‘rgazma maydonlari tashkil etiladi.
Ko‘rgazma avtomobil ixlosmandlari uchun haqiqiy bayramga aylanadi. Ekspo davomida bir nechta ko‘rgazmalar, uchrashuvlar, bayram konsertlari va shou dasturlari bo‘lib o‘tadi.
Ko‘p yillar davomida avtomobil ixlosmandlarining uchrashuvlari tasodifiy tarzda, asosan ixlosmandlar tomonidan ixlosmandlar uchun o‘tkazilgan. Voqealar ommaviy axborot vositalarida deyarli yoritilmagan va faqatgina soha vakillari tomonidan qo‘llab-quvvatlangan. Natijada, tadbirlarda faqatgina bir necha yuz tomoshabin ishtirok etgan.
Hilton Auto Expo ko‘rgazmasini avtomobil ixlosmandlari uchun mo‘ljallangan 15 kunlik taassurotlar marafoni sifatida e’tirof etish mumkin. Tadbir davomida zamonaviy avtomobillarni tomosha qilishingiz, tyuning yangiliklari bilan tanishib chiqishingiz, elektromobil egalari bilan barcha ijobiy va salbiy tomonlarini muhokama qilishingiz, avtoblogerlar bilan suhbat uyushtirishingiz yoki o‘zingizga mos keladigan boshqa mashg‘ulot bilan shug‘ullanishingiz mumkin.
Bog‘ hududi va ko‘rgazmaga kirish bepul. Avtomobilda kirish pullik.
Ko‘rgazma avtosalonlar va avtomobil egalari uchun o‘z avtomobillarini odamlarga ko‘rsatish, ularning barcha yutuqlari va ijobiy jihatlarini namoyish etish, shuningdek, tashrif buyuruvchilarning fikrlari bilan tanishib chiqish va xaridorga har tomonlama mos modelni sotib olishga yordam berish uchun ajoyib imkoniyatdir.
Tashrif buyuruvchilar poytaxt tarixida birinchi marotaba ko‘plab eng chiroyli va kuchli avtomobillarni shahar markazida ko‘rish imkoniyatiga ega bo‘lishadi. Bundan tashqari, siz nafaqat avtomobillarni uzoqdan tomosha qilishingiz, balki rulda o‘tirishingiz va agar uzoq vaqtdan beri avtomobil sotib olishni rejalashtirayotgan bo‘lsangiz, o‘z tanlovingizni amalga oshirishingiz mumkin.
Hilton Auto Expo ko‘rgazmasida ishtirok etish uchun arizalar 2021-yil 3-noyabrgacha qabul qilinadi.
Ma’lumot uchun telefon: +99890 989 87 22, +99833 343 88 88, +99899 005 27 97
Instagram: hiltonautoexpo
Telegram: https://t.me/hiltonautoexpo
Reklama huquqi asosida.
Izoh (0)