Жорий йилнинг кузида Tashkent City ҳудудида Hilton Auto Expo кўргазмаси бўлиб ўтади. 15 кун давомида сайилгоҳ ҳудуди ноёб автомобиллар учун майдонга айланади. Тадбир иштирокчилари автомобиль саноатининг янгиликлари билан бевосита танишишлари ва ҳатто автомобиль сотиб олишлари мумкин.
5 ноябрь куни Tashkent City сайилгоҳида Hilton Auto Expo автомобиль кўргазмасининг очилиш маросими бўлиб ўтади. Тадбирда йирик автосалонлар, хусусий тўпламларда сақланаётган ноёб автомобиллар, автомобиль ишлаб чиқарувчилар ва тюнинг студиялари, автомобиль учун маҳсулотларни ишлаб чиқарувчилар ва соҳанинг кўплаб вакиллари иштирок этишади. Ҳудудда йигирмага яқин кўргазма майдонлари ташкил этилади.
Кўргазма автомобиль ихлосмандлари учун ҳақиқий байрамга айланади. Expo давомида бир нечта кўргазмалар, учрашувлар, байрам концертлари ва шоу дастурлари бўлиб ўтади.
Кўп йиллар давомида автомобиль ихлосмандларининг учрашувлари тасодифий тарзда, асосан ихлосмандлар томонидан ихлосмандлар учун ўтказилган. Воқеалар оммавий ахборот воситаларида деярли ёритилмаган ва фақатгина соҳа вакиллари томонидан қўллаб-қувватланган. Натижада, тадбирларда фақатгина бир неча юз томошабин иштирок этган.
Hilton Auto Expo кўргазмасини автомобиль ихлосмандлари учун мўлжалланган 15 кунлик таассуротлар марафони сифатида эътироф этиш мумкин. Тадбир давомида замонавий автомобилларни томоша қилишингиз, тюнинг янгиликлари билан танишиб чиқишингиз, электромобил эгалари билан барча ижобий ва салбий томонларини муҳокама қилишингиз, автоблогерлар билан суҳбат уюштиришингиз ёки ўзингизга мос келадиган бошқа машғулот билан шуғулланишингиз мумкин.
Боғ ҳудуди ва кўргазмага кириш бепул. Автомобилда кириш пуллик.
Кўргазма автосалонлар ва автомобиль эгалари учун ўз автомобилларини одамларга кўрсатиш, уларнинг барча ютуқлари ва ижобий жиҳатларини намойиш этиш, шунингдек, ташриф буюрувчиларнинг фикрлари билан танишиб чиқиш ва харидорга ҳар томонлама мос моделни сотиб олишга ёрдам бериш учун ажойиб имкониятдир.
Ташриф буюрувчилар пойтахт тарихида биринчи маротаба кўплаб энг чиройли ва кучли автомобилларни шаҳар марказида кўриш имкониятига эга бўлишади. Бундан ташқари, сиз нафақат автомобилларни узоқдан томоша қилишингиз, балки рулда ўтиришингиз ва агар узоқ вақтдан бери автомобиль сотиб олишни режалаштираётган бўлсангиз, ўз танловингизни амалга оширишингиз мумкин.
Hilton Auto Expo кўргазмасида иштирок этиш учун аризалар 2021 йил 3 ноябргача қабул қилинади.
Маълумот учун телефон: +99890 989 87 22, +99833 343 88 88, +99899 005 27 97
Instagram: hiltonautoexpo
Telegram: https://t.me/hiltonautoexpo
Реклама ҳуқуқи асосида.
Изоҳ (0)