AQShning O‘zbekistondagi elchisi Deniel Rozenblyum mamlakat aholisini o‘zbek tilida bayram bilan tabrikladi. Rozenblyumning o‘zbek tilida bildirgan tabrigi AQShning O‘zbekistondagi elchixonasining Facebook’dagi sahifasida e’lon qilindi.
“Amerika xalqi nomidan O‘zbekiston xalqini o‘zbek tili kuni bilan tabriklayman. Men o‘zbek tilini ozgina bo‘lsa-da o‘rganganimdan xursandman. Umid qilamanki, o‘zbek tilining ahamiyati o‘sib boradi. Men barchani o‘zbeklar bilan do‘stlashish uchun o‘zbek tilini o‘rganishga, shuningdek, o‘zbek madaniyati va urf-odatlarini yaxshiroq anglash uchun o‘zbek tilidagi kitoblarni o‘qishga chaqiraman”, — deydi elchisi.
Deniel Rozenblyum, shuningdek, o‘z tabrigi oxirida Hamid Olimjonning “O‘zbekiston” she’ridan to‘rt qator o‘qib bergan.
Eslatib o‘tamiz, AQSh elchisi O‘zbekiston mustaqilligining 29 yilligi munosabati bilan o‘zbek tilida tabrik yo‘llagan edi.
Izoh (0)