“Surxon” sobiq futbolchilari Javohir Esonqulov va Akrom Xo‘jayev klubning 4 nafar a’zosi tomonidan kaltaklangani va “Surxon” futbolchilarni klub rahbarini haqorat qilganlikda ayblayotgani haqida xabar berilgandi. Mazkur hodisa yuzasidan O‘FA rasmiy bayonot berib, holatga aniqlik kiritilguniga qadar “Surxon” klubi a’zolari va (sobiq) o‘yinchilari futbol bilan bog‘liq har qanday faoliyatdan chetlashtirilganini ma’lum qildi.
Bayonotda aytilishicha, vaziyat bo‘yicha 21-sentabr kuni O‘zbekiston futbol assotsiatsiyasi rahbariyati va mas’ul mutaxassislari ishtirokida maxsus yig‘ilish bo‘lib o‘tgan.
O‘zbekiston futbol assotsiatsiyasi bu kabi salbiy holatlarni keskin qoralaydi. Mazkur shaxslarning mas’uliyatsizligi va etika normalariga rioya qilmasligi o‘zbek futboli imijiga putur yetkazmoqda.Avvalroq Toshkent shahar IIBB “Surxon” klubi vakillari va jamoaning sobiq futbolchilari o‘rtasidagi mushtlashuv yuzasidan tergov boshlagani haqida xabar berilgandi.Ayni vaqtda ushbu holat tegishli huquqni muhofaza qiluvchi organlar tomonidan tergovga qadar tekshiruv ishlari olib borilmoqda. Shuningdek, holat yuzasidan sud tibbiy ekspertizasi ham tayinlangan.
Mazkur holatga huquqni muhofaza qiluvchi organlar tomonidan aniqlik kiritilguniga qadar O‘FA tomonidan ‘Surxon’ futbol klubi bosh direktori Azamat Abdurahmonov, sport direktori Abdumajid Toirov, futbolchilar Asror G‘ofurov, Javohir Esonqulov va Akrom Xo‘jayev futbol bilan bog‘liq har qanday faoliyatdan chetlashtirildi.
O‘FA bayonoti
Mavzuga doir:
- “Ularni so‘yish kerak. Kel, derazani ochib, uloqtirib yuboramiz”. “Surxon” sobiq futbolchilari qay tarzda kaltaklanganini so‘zlab berdi
- “Akrom Xo‘jayev va Javohir Esonqulovni ‘dubinka’ bilan urishgan. Jamoa sardori Asror G‘ofurov ularni ushlab turgan”. “Surxon” sobiq futbolchisi Javohir Esonqulovning rafiqasi videomurojaat yo‘lladi
Izoh (0)