«Сурхон» собиқ футболчилари Жавоҳир Эсонқулов ва Акром Хўжаев клубнинг 4 нафар аъзоси томонидан калтаклангани ва «Сурхон» футболчиларни клуб раҳбарини ҳақорат қилганликда айблаётгани ҳақида хабар берилганди. Мазкур ҳодиса юзасидан ЎФА расмий баёнот бериб, ҳолатга аниқлик киритилгунига қадар «Сурхон» клуби аъзолари ва (собиқ) ўйинчилари футбол билан боғлиқ ҳар қандай фаолиятдан четлаштирилганини маълум қилди.
Баёнотда айтилишича, вазият бўйича 21 сентябрь куни Ўзбекистон футбол ассоциацияси раҳбарияти ва масъул мутахассислари иштирокида махсус йиғилиш бўлиб ўтган.
Ўзбекистон футбол ассоциацияси бу каби салбий ҳолатларни кескин қоралайди. Мазкур шахсларнинг масъулиятсизлиги ва этика нормаларига риоя қилмаслиги ўзбек футболи имижига путур етказмоқда.Аввалроқ Тошкент шаҳар ИИББ «Сурхон» клуби вакиллари ва жамоанинг собиқ футболчилари ўртасидаги муштлашув юзасидан тергов бошлагани ҳақида хабар берилганди.Айни вақтда ушбу ҳолат тегишли ҳуқуқни муҳофаза қилувчи органлар томонидан терговга қадар текширув ишлари олиб борилмоқда. Шунингдек, ҳолат юзасидан суд тиббий экспертизаси ҳам тайинланган.
Мазкур ҳолатга ҳуқуқни муҳофаза қилувчи органлар томонидан аниқлик киритилгунига қадар ЎФА томонидан ‘Сурхон’ футбол клуби бош директори Азамат Абдураҳмонов, спорт директори Абдумажид Тоиров, футболчилар Асрор Ғофуров, Жавоҳир Эсонқулов ва Акром Хўжаев футбол билан боғлиқ ҳар қандай фаолиятдан четлаштирилди.
ЎФА баёноти
Мавзуга доир:
- «Уларни сўйиш керак. Кел, деразани очиб, улоқтириб юборамиз». «Сурхон» собиқ футболчилари қай тарзда калтакланганини сўзлаб берди
- «Акром Хўжаев ва Жавоҳир Эсонқуловни ‘дубинка’ билан уришган. Жамоа сардори Асрор Ғофуров уларни ушлаб турган». «Сурхон» собиқ футболчиси Жавоҳир Эсонқуловнинг рафиқаси видеомурожаат йўллади
Изоҳ (0)