Dunyo va o‘zbek sportiga oid 21-sentabr kunining eng muhim xabarlari dayjesti bilan tanishing.
O‘zbekiston
Ayollar o‘rtasidagi Osiyo Kubogi saralash bosqichi doirasida O‘zbekiston milliy terma jamoasi 20-sentabr kuni Mo‘g‘ulistonga qarshi bahs olib bordi. Unda o‘zbekistonliklar 12:0 hisobidagi g‘alabani qo‘lga kiritdi.
Shu tariqa keyingi bosqich masalasi 23-sentabr kuni bo‘lib o‘tadigan O‘zbekiston va Janubiy Koreya terma jamoalari o‘rtasidagi uchrashuvdan keyin hal bo‘ladi. Koreyaliklar ham Mo‘g‘uliston darvozasiga javobsiz 12 ta to‘p kiritgandi.
Osiyo Kubogi saralashi
2-tur bahsi
20-sentabr, dushanba
O‘zbekiston — Mo‘g‘uliston 12:0
Gollar: Lyudmila Karachik (15), Diyoraxon Habibullayeva (20, 22, 52), Nilufar Qudratova (27, 60), Altuntuya Altansukh (31, Mahliyoxon Sarikova (47, 63, 83), Saida Galimova (72), Maftuna Shoyimova (74).Litvada o‘tayotgan Jahon chempionatining barcha 1/8 final ishtirokchilari ma’lum bo‘ldi. Bahodir Ahmedov shogirdlari nimchorak finalda Eronga qarshi bahs olib boradi. O‘yin 24-sentabr kuni O‘zbekiston vaqti bilan 19:30 da boshlanadi. Ushbu uchrashuv g‘olibi chorak finalda Qozog‘iston — Tailand o‘yini g‘olibi bilan to‘qnash keladi.
Qayd etish kerak, O‘zbekiston futzal terma jamoasi hozirga qadar 12 marta Eron bilan rasmiy o‘yinlarda to‘qnash kelgan va barchasida mag‘lub bo‘lgan. To‘plar nisbati — 19:79.
“Nasaf” OFK Kubogi yarim finalida Hindiston klubini qabul qiladi
Qarshiliklar 22-sentabr kuni OFK Kubogi yarim finalida Hindistonning “Atk Mohun Bagan” jamoasiga qarshi bahs olib boradi. O‘yin Qarshidagi “Markaziy” stadionda 20:00 da boshlanadi.
OFK Kubogi
Yarim final bahsi
22-sentabr, 20:00
“Nasaf” O‘zbekiston — “Atk Mohun Bagan” Hindiston
Jahon
“Barselona” Ronald Kuman o‘rniga bir nechta murabbiy nomzodini ko‘rib chiqmoqda
Katalonlarning dushanba oqshomidagi qoniqarsiz natijasidan (“Granada”ga qarshi o‘yinda 1:1) keyin Kumanning ketishi haqidagi mish-mishlar ko‘paydi. “Barselona” prezidenti Xoan Laporta “Yuventus” sobiq ustozi Andrea Pirloni bosh murabbiy etib tayinlamoqchi. Shu bilan birga Pirlo yagona nomzod emas. Jurnalist Xerard Romeroga ko‘ra, “Barsa” Kumanning o‘rniga 5-6 nafar mutaxassis nomzodini ko‘rib chiqmoqda. Ular orasida Antonio Konte, Fillip Koku va Xavi kabi murabbiylar bor.
Niderlandiyalik mutaxassis qo‘l ostidagi “Barselona” La Liga 5-turidan keyin 5 ochko bilan 7-o‘rinda bormoqda. Chempionlar Ligasi 1-turida esa “Bavariya”dan 0:3 hisobidagi mag‘lubiyatni qabul qilib oldi.
Prezidentlikka nomzodini qo‘ygan Menni Pakyao boksdagi faoliyatini yakunladi
Avvalroq afsonaviy bokschi Menni Pakyao Flippin prezidentligiga o‘z nomzodini qo‘ygani xabar qilingandi. 42 yoshli sportchi boksdagi faoliyatini yakunlaganini tasdiqladi
Mening faoliyatim? U allaqachon tugagan, hammasi tamom. Ko‘pdan beri boks bilan shug‘ullanaman, oilam tugatish kerakligini aytmoqda.Pakyao professional ringda 70 ta jang o‘tkazib, 62 marta g‘alaba qozongan (39 nokaut), 8 marta mag‘lubiyatga uchragan va ikki bor durang qayd etgan.Boks bilan shug‘ullanishda davom etayotgandim, chunki men haqiqatda bu sport turiga qiziqaman. Endi o‘z yurtimdagi boshqa bokschilarni qo‘llab-quvvatlayman.
Menni Pakyao, sobiq bokschi
Messi “PSJ”ning navbatdagi o‘yinida ishtirok eta olmaydi
“PSJ” hujumchisining tizzasida shikastlanish kuzatilgan. Messi “Lion”ga qarshi o‘yin oldi mashg‘ulotida o‘zini noqulay his qilgan. U bugun MRT tekshiruvidan o‘tadi. Ikki kun ichida futbolchining qancha muddatga safdan chiqqani ma’lum bo‘ladi. Bu haqda parijliklar matbuot xizmati ma’lum qildi.
Shu tariqa argentinalik futbolchi 22-sentabr kungi “Mets”ga qarshi o‘yinni o‘tkazib yuboradi.
Xames Rodriges Qatar chempionatiga yo‘l oladi
“Everton” yarim himoyachisi faoliyatini Qatarning “Ar-Rayyan” klubida davom ettirishi mumkin. Nikolo Skiraning xabar qilishicha, Qatar klubi “Everton” va o‘yinchi bilan kelishuvga erishgan.
Xames APL joriy mavsumida birorta o‘yin o‘tkazmadi. Avvalroq unga “Istanbul Bashakshehir” klubidan taklif bo‘lgani xabar qilingandi.
Izoh (0)