Oleg Chegodayev ismli ufalik sayohatchi Ural tog‘larini piyoda bosib o‘tgan birinchi insonga aylandi, deb xabar beradi Esquire.
Ufalik sayohatga 1-may kuni yo‘l olgan bo‘lib, 109 kun ichida u 3183 kilometr yo‘l bosgan. U har kuni 30-40 kilometr masofa bosgan bo‘lib, o‘zining tarjibasini ijtimoiy tarmoqlar orqali faol yoritib borgan. Sayohat 17-avgust kuni yakunlangan.
“Maqsad tomon harakatlanish maqsadning o‘zidan muhimligiga ishonch hosil qildim... va baxtni his qildim. Men Uralni bosib o‘tdim! Endilikda Uralning istalgan xaritasiga qaraganimda yodga oladigan narsam bo‘ladi”, — deb yozadi Chegodayev Facebook’dagi sahifasiga.
Sayohatchi 15 yildan buyon Uralda turizm bilan shug‘ullanadi, shuningdek, dam olishni boshqa insonlar o‘rtasida ommalashtirishga urinadi. Ural tog‘lari uning uchun uzoq marshrutga aylangan va endilikda u yangi biznes boshlash niyatida. Chegodayev o‘zining yakunlanayotgan sayohatida kitob, film va “ko‘plab alohida tarixlar” yaratish niyatida ekanini ma’lum qilgan.
Ta’kidlanishicha, bunga qadar ham insonlar Uralni piyoda bosib o‘tishga uringan, biroq har safar tog‘larning qaysidir qismi zabt etilmasdan qolib ketgan.
Avvalroq shotlandiyalik erkak sevgan qizi bilan uchrashish uchun dengizni gidrosiklda bosib o‘tdi va qamoqqa tushgani to‘g‘risida xabar berilgandi.
Izoh (0)