Олег Чегодаев исмли уфалик саёҳатчи Урал тоғларини пиёда босиб ўтган биринчи инсонга айланди, деб хабар беради Esquire.
Уфалик саёҳатга 1 май куни йўл олган бўлиб, 109 кун ичида у 3183 километр йўл босган. У ҳар куни 30-40 километр масофа босган бўлиб, ўзининг таржибасини ижтимоий тармоқлар орқали фаол ёритиб борган. Саёҳат 17 август куни якунланган.
«Мақсад томон ҳаракатланиш мақсаднинг ўзидан муҳимлигига ишонч ҳосил қилдим... ва бахтни ҳис қилдим. Мен Урални босиб ўтдим! Эндиликда Уралнинг исталган харитасига қараганимда ёдга оладиган нарсам бўлади», — деб ёзади Чегодаев Facebook’даги саҳифасига.
Саёҳатчи 15 йилдан буён Уралда туризм билан шуғулланади, шунингдек, дам олишни бошқа инсонлар ўртасида оммалаштиришга уринади. Урал тоғлари унинг учун узоқ маршрутга айланган ва эндиликда у янги бизнес бошлаш ниятида. Чегодаев ўзининг якунланаётган саёҳатида китоб, фильм ва «кўплаб алоҳида тарихлар» яратиш ниятида эканини маълум қилган.
Таъкидланишича, бунга қадар ҳам инсонлар Урални пиёда босиб ўтишга уринган, бироқ ҳар сафар тоғларнинг қайсидир қисми забт этилмасдан қолиб кетган.
Аввалроқ шотландиялик эркак севган қизи билан учрашиш учун денгизни гидроциклда босиб ўтди ва қамоққа тушгани тўғрисида хабар берилганди.
Изоҳ (0)