Birlashgan Arab Amirliklarida istiqomat qiluvchi fuqaro Dubayda chumolilar restoranini ochdi. Binoni qurish va bezash ko‘p vaqtni talab qilmadi. Buning uchun oddiy marker va muassasa nomi yozilgan karton yetarli edi, u stol sifatida ham xizmat qilgan, deb yozadi Meduza.
Shunday qilib birinchi kunning menyusidan asal, pishloq, shakar, olma va murabbo o‘rin olgan. Idishlar kartonga marker bilan chizilgan aylanalarga joylashtirilgan. Ayniqsa, chumolilarga xaridorlarni eng ko‘p jalb qilgan pishloq yoqqan. Afsuski, ular ijtimoiy masofa saqlash qoidasiga rioya qilmagan.
Ikkinchi kuni chumolilar maydalangan kokosli makarunlar, non bo‘laklari, pista va to‘g‘ralgan kartoshka bilan mehmon qilingan. Shuningdek, tashrif buyuruvchi chumolilar ochilish kunidan ko‘ra ko‘proq bo‘lgan va bu safar chumolilar har xil taomlar orasida teng taqsimlangan va bitta pishloq uchun navbatda turmagan. Bu, albatta, ajoyib!
Umuman olganda, restoran egasini Dubayda eng zamonaviy muassasalardan birining ochilishi bilan tabriklash mumkin. Chumolilar restoranidan olingan video esa Tiktok'da besh milliondan ortiq marta ko‘rilgan.
Mavzuga doir:
- Ukrainada issiqdan charchagan sigir dam oluvchilar bor basseynga sakradi (video)
- Koji laqabli xo‘roz odamlarga juda bog‘lanib qolgan. Uning quchoqlashish uchun uy bo‘ylab chopadigan sevimli xo‘jayinlari bor (video)
- Video: o‘zining mitti stulida o‘tirib, xo‘jayini qo‘lida “uchishni” yaxshi ko‘radigan silindrli tipratikan
Izoh (0)