Jons Hopkins universiteti ma’lumotlariga ko‘ra, dunyoda koronavirusga chalinganlar soni 196 030 937 kishini tashkil qilmoqda. Virus oqibatida vafot etganlar soni 4 188 282 kishiga yetgan.
Kasallanish holatlarining soni bo‘yicha AQSh (34,6 million), Hindiston (31,5 million), Braziliya (19,7 million), Rossiya (6,1 million) va Fransiya (6,1 million) yetakchilik qilmoqda.
Qozog‘istonda o‘tgan bir kecha-kunduzda 7479 kishida koronavirus aniqlangan, bu mamlakat uchun rekord ko‘rsatkich hisoblanadi.
Qozog‘istonda jami kasallanganlar soni 557 107 kishiga yetdi. Shularning 462 912 nafari virusdan sog‘aygan.
O‘tgan bir sutkada 81 kishi COVID-19 oqibatida vafot etgan bo‘lsa, 5814 kishi undan tuzalgan. Vafot etganlarning jami soni 5700 kishiga yetdi.
O‘tgan bir hafta ichida COVID-19 oqibatidagi o‘limlar soni 21 foizga oshgan.Jahon sog‘liqni saqlash tashkiloti (JSST) aniqlik kiritishicha, 19—25-iyul oralig‘ida 69 mingdan ortiq odam virus oqibatida vafot etgan. Bu undan avvalgi hafta — 12—18-iyul kunlaridagiga nisbatan 12 ming nafarga ko‘p demakdir. Eng ko‘p o‘limlar Shimoliy va Janubiy Amerikada, shuningdek, Janubi-Sharqiy Osiyoda qayd etilgan. JSST o‘tgan hafta mobaynida koronavirusdan o‘lim ko‘rsatkichlari Yevropadan boshqa hamma joyda o‘sganiga e’tibor qaratdi.
Tashkilot hisob-kitoblariga ko‘ra, o‘tgan hafta COVID-19 bilan kasallanish bo‘yicha kuniga o‘rtacha 540 mingta holat qayd etilgan. Bundan avvalgi hafta esa ushbu ko‘rsatkich 490 mingtani tashkil qilgan.
Agar o‘sish shu tarzda davom etsa, 200 millionlik marradan yaqin 2 hafta ichida o‘tish kutilmoqda.
JSST ma’lumotlari bo‘yicha pandemiya boshidan buyon kasallanganlar soni 195,3 million kishini, virus oqibatidagi o‘limlar esa 4,1 milliontani tashkil qilmoqda.
Chuqur siyosiy va iqtisodiy inqiroz tufayli Myanma koronavirusning “super tarqatuvchisi”ga aylanishi mumkin. Koronavirus infeksiyasi u yerdan butun Janubi-Sharqiy Osiyo bo‘ylab va uning tashqarisiga nazoratsiz tarzda tarqalib ketishi mumkin. Bu haqda BMTning Myanmada inson huquqlari bo‘yicha maxsus ma’ruzachisi Tom Endryus ma’lum qildi.Fevralda bo‘lib o‘tgan harbiy to‘ntarishdan keyin mamlakatda COVID-19 avj olib ketgan, vaksinatsiya dasturi to‘xtab qolgan, fuqarolar testdan o‘tkazilmayapti, kasalxonalar esa deyarli ishlamayapti.
BMT Myanmada necha kishi koronavirusni yuqtirib olganidan bexabar. Shifokorlar va jurnalistlarga bo‘layotgan hujumlar tufayli pandemiya sababli yuzaga kelgan inqiroz haqida ishonchli ma’lumot uzatilmayapti.
The Irrawaddy mustaqil nashri xabariga ko‘ra, so‘nggi ikki oyda Myanmada 4,6 mingdan ortiq odam COVID-19 qurboniga aylangan.
Harbiy xunta orqali nazorat qilinadigan davlat OAVlari xabar berishicha, eng yirik Yangon shahrida o‘nta krematoriy qurilmoqda, ularning har biri kuniga 3 mingtagacha jasadni kuydira oladi.
Endryus qayd etishicha, Myanmada shifokorlar davlat kasalxonalarida ishlashdan bosh tortib, qo‘zg‘olon ko‘tarmoqda, ular bosim va tahdidlarga uchrab, odamlarni yashirincha davolashga majbur bo‘lmoqda. Mamlakatda odamlar tibbiy kislorodga, krematoriy va o‘likxonalarga navbatda turibdi.
Mavzuga doir: Myanmada harbiylar 2 oy ichida 40 dan ortiq bolani o‘ldirgan, eng kichik qurbon 6 yoshda bo‘lgan
Tadqiqotlar natijalariga ko‘ra, ikkinchi dozadan keyin ikki oy o‘tib, vaksina samaradorligining eng yuqori ko‘rsatkichi — 96,2 foiz qayd etiladi.
Har oy vaksina samaradorligi olti foizga kamayib borgan.
Tadqiqotlarda AQSh va Yevropadan 44 mingdan ortiq odam qatnashdi. Shularning 81 nafari koronavirusga chalingan.
Shu bilan birga, bu vaksina kasallikning og‘ir kechishiga to‘sqinlik qiladi, ushbu parametr bo‘yicha uning samaradorligi 97 foizga teng.
Tadqiqot ishtirokchilari kamida ikki yil davomida kuzatib boriladi.
Izoh (0)