Turkiyaning Antaliya viloyatidagi Managvat hududida katta o‘rmon yong‘inlari sodir bo‘lmoqda, olov o‘nlab gektar maydondagi daraxtlarni kulga aylantirgan va beshta aholi yashash maskanidagi odamlar evakuatsiya qilingan. Bu haqda Hürriyet Daily News gazetasi xabar bergan.
Manavgat shahri meri Shukru So‘zen (Şükrü Sözen) o‘rmonlardagi yong‘inning aholi turar joylarigacha yetib kelgani, ko‘plab uylar, binolar va korxonalar yonganini tasdiqlagan. Uning so‘zlariga ko‘ra olov Manavgat markazigacha yetib kelgan, oqibatda mahalliy aholi boshqa joyga evakuatsiya qilingan.
Shuningdek, shahar meri olovning dengiz sohillaridan uzoq joyda kuzatilayotgani va Antaliyada dam olayotgan turistlar hayoti xavf solmasligini qayd etgan.
Iyul boshida Kanadada anomal issiqlik ortidan o‘rmon yong‘inlari boshlangani, Kiprda mamlakat tarixidagi eng yirik o‘rmon yong‘inlari sodir bo‘lgani haqida xabarlar berilgandi.
Izoh (0)