Жонс Ҳопкинс университети маълумотларига кўра, дунёда коронавирусга чалинганлар сони 196 030 937 кишини ташкил қилмоқда. Вирус оқибатида вафот этганлар сони 4 188 282 кишига етган.
Касалланиш ҳолатларининг сони бўйича АҚШ (34,6 миллион), Ҳиндистон (31,5 миллион), Бразилия (19,7 миллион), Россия (6,1 миллион) ва Франция (6,1 миллион) етакчилик қилмоқда.
Қозоғистонда ўтган бир кеча-кундузда 7479 кишида коронавирус аниқланган, бу мамлакат учун рекорд кўрсаткич ҳисобланади.
Қозоғистонда жами касалланганлар сони 557 107 кишига етди. Шуларнинг 462 912 нафари вирусдан соғайган.
Ўтган бир суткада 81 киши COVID-19 оқибатида вафот этган бўлса, 5814 киши ундан тузалган. Вафот этганларнинг жами сони 5700 кишига етди.
Ўтган бир ҳафта ичида COVID-19 оқибатидаги ўлимлар сони 21 фоизга ошган.Жаҳон соғлиқни сақлаш ташкилоти (ЖССТ) аниқлик киритишича, 19—25 июль оралиғида 69 мингдан ортиқ одам вирус оқибатида вафот этган. Бу ундан аввалги ҳафта — 12—18 июль кунларидагига нисбатан 12 минг нафарга кўп демакдир. Энг кўп ўлимлар Шимолий ва Жанубий Америкада, шунингдек, Жануби-Шарқий Осиёда қайд этилган. ЖССТ ўтган ҳафта мобайнида коронавирусдан ўлим кўрсаткичлари Европадан бошқа ҳамма жойда ўсганига эътибор қаратди.
Ташкилот ҳисоб-китобларига кўра, ўтган ҳафта COVID-19 билан касалланиш бўйича кунига ўртача 540 мингта ҳолат қайд этилган. Бундан аввалги ҳафта эса ушбу кўрсаткич 490 мингтани ташкил қилган.
Агар ўсиш шу тарзда давом этса, 200 миллионлик маррадан яқин 2 ҳафта ичида ўтиш кутилмоқда.
ЖССТ маълумотлари бўйича пандемия бошидан буён касалланганлар сони 195,3 миллион кишини, вирус оқибатидаги ўлимлар эса 4,1 миллионтани ташкил қилмоқда.
Чуқур сиёсий ва иқтисодий инқироз туфайли Мьянма коронавируснинг «супер тарқатувчиси»га айланиши мумкин. Коронавирус инфекцияси у ердан бутун Жануби-Шарқий Осиё бўйлаб ва унинг ташқарисига назоратсиз тарзда тарқалиб кетиши мумкин. Бу ҳақда БМТнинг Мьянмада инсон ҳуқуқлари бўйича махсус маърузачиси Том Эндрюс маълум қилди.Февралда бўлиб ўтган ҳарбий тўнтаришдан кейин мамлакатда COVID-19 авж олиб кетган, вакцинация дастури тўхтаб қолган, фуқаролар тестдан ўтказилмаяпти, касалхоналар эса деярли ишламаяпти.
БМТ Мьянмада неча киши коронавирусни юқтириб олганидан бехабар. Шифокорлар ва журналистларга бўлаётган ҳужумлар туфайли пандемия сабабли юзага келган инқироз ҳақида ишончли маълумот узатилмаяпти.
The Irrawaddy мустақил нашри хабарига кўра, сўнгги икки ойда Мьянмада 4,6 мингдан ортиқ одам COVID-19 қурбонига айланган.
Ҳарбий хунта орқали назорат қилинадиган давлат ОАВлари хабар беришича, энг йирик Янгон шаҳрида ўнта крематорий қурилмоқда, уларнинг ҳар бири кунига 3 мингтагача жасадни куйдира олади.
Эндрюс қайд этишича, Мьянмада шифокорлар давлат касалхоналарида ишлашдан бош тортиб, қўзғолон кўтармоқда, улар босим ва таҳдидларга учраб, одамларни яширинча даволашга мажбур бўлмоқда. Мамлакатда одамлар тиббий кислородга, крематорий ва ўликхоналарга навбатда турибди.
Мавзуга доир: Мьянмада ҳарбийлар 2 ой ичида 40 дан ортиқ болани ўлдирган, энг кичик қурбон 6 ёшда бўлган
Тадқиқотлар натижаларига кўра, иккинчи дозадан кейин икки ой ўтиб, вакцина самарадорлигининг энг юқори кўрсаткичи — 96,2 фоиз қайд этилади.
Ҳар ой вакцина самарадорлиги олти фоизга камайиб борган.
Тадқиқотларда АҚШ ва Европадан 44 мингдан ортиқ одам қатнашди. Шуларнинг 81 нафари коронавирусга чалинган.
Шу билан бирга, бу вакцина касалликнинг оғир кечишига тўсқинлик қилади, ушбу параметр бўйича унинг самарадорлиги 97 фоизга тенг.
Тадқиқот иштирокчилари камида икки йил давомида кузатиб борилади.
Мавзуга доир: Ўзбекистонга 1,2 млн доза Pfizer вакцинаси олиб келинади
Изоҳ (0)