O‘z platformalarida koronavirusga qarshi vaksinalar haqida yolg‘on axborotlarning tarqalishiga yo‘l qo‘yib, “odamlarni o‘ldirmoqda”, degan AQSh prezidenti Jo Bayden. Bu haqda Associated Press xabar tarqatdi.
“Ular odamlarni o‘ldirmoqda. Hozir kuzatilayotgan yagona pandemiya bu koronavirusga qarshi emlanmagan ichidagi pandemiyadir”, — degan Bayden Facebook hamda boshqa ijtimoiy tarmoqlarda vaksinalar haqida tarqalayotgan yolg‘on axborotlar xususida berilgan savolga javob berish vaqtida.
Avvalroq Oq uy matbuot kotibi Jen Psaki AQSh prezidenti administratsiyasi Facebook vaksinalar haqidagi yolg‘on axborotlarga qarshi kurashda yanada ko‘proq yordam berishi mumkinligini gapirgandi.
Facebook vakili Deni Lever Baydenning bu boradagi fikrini izohlash vaqtida “Biz aniq isbot dalillari bilan asoslantirilmagan bu kabi ayblovlarga parvo qilmaymiz. Ikki milliarddan ortiq odam Facebook’da COVID-19 va vaksinalar haqidagi ishonchli axborotni ko‘rgan. Internetdagi boshqa biror yerda bunday statistikaga duch kelmaydi. Faktlar Facebook’ning odamlar hayotini saqlab qolishga yordam berayotganini ko‘rsatmoqda”, – deya ta’kidlagan.
16-iyulda AQSh kasalliklar profilaktikasi va nazorati markazi rahbari Roshel Valenski mamlakatda koronavirusga qarshi emlanmagan odamlar orasida pandemiya boshlanganini ma’lum qilgan. Uning so‘zlariga ko‘ra AQShda vaksinatsiya darajasi past bo‘lgan hududlarda kasallikning keng yoyilib ketgan.
Ma’lumotlar bo‘yicha AQShda aholining 55,8 foiz qismi koronavirusga qarshi vaksinaning kamida bitta dozasini, 48,4 foizi esa ikkita dozasini qabul qilib olgan. Emlanganlarning eng kam qismi Missisipi va Luiziana shtatlariga to‘g‘ri keladi, ushbu ikki hududda vaksinaning birinchi dozasini aholining 50 foiz qismi olib bo‘lgan.
Izoh (0)