Braziliya shimolidagi Para shtatida yangi qurilayotgan elektr uzatish liniyasining ustuni qulab tushishi oqibatda kamida yetti kishi halok bo‘lgan, besh kishi jarohatlangan. Bu haqda hudud hukumatiga tayanib, G1 portali xabar berdi.
Fojia 16-iyul kuni sodir bo‘lgan. Olti nafar ishchi favqulodda vaziyat chog‘ida, yana bir kishi esa kasalxonada vafot etgan.
Ta’kidlanishicha, voqea sodir bo‘lgan paytda hammasi bo‘lib, kamida 26 kishi ishlayotgan edi. Qutqaruvchilar qidiruv-qutqaruv ishlarini olib bormoqda.
12-iyul kuni Xitoyning Suchjou shahridagi “Kayyuan” mehmonxona binosi qulab tushgan edi. Hodisa oqibatida 17 kishi halok bo‘lgan. Qidiruv-qutqaruv va vayronalarni demontaj qilish ishlariga 600 dan ortiq odam, kranlar va boshqa texnikalar jalb qilingan. Natijada bino vayronalari ostidan asosan mehmonxona mehmonlaridan iborat bo‘lgan 23 kishi olib chiqilgan, ulardan besh nafari turli darajadagi jarohatlar bilan kasalxonaga yotqizilgan.
13-iyul kuni ertalab Rossiyaning Gelenjik shahridagi mehmonxonada gaz portlab, oqibatida ikki kishi halok bo‘lgan, yana besh kishi jarohat olgandi. Mehmonxonadan 50 kishi evakuatsiya qilingan.
Avvalroq Floridada 12 qavatli turar joy qulab tushib, 99 kishi bedarak yo‘qolgani, so‘ng binoning omon qolgan qismi ham portlatib buzilgani, bino vayronalari ostidan omon qolganlarni qidirish to‘xtatilgani haqida xabarlar berilgandi.
Izoh (0)