Ekvador o‘qituvchilar milliy uyushmasi (UNE) besh kundan beri muddatsiz ochlik e’lon qilib kelmoqda. Aksiyaga 19-iyul, dushanbadan yana uchta provinsiya qo‘shilmoqchi, deb yozadi “RIA Novosti”.
“Biz besh kundan buyon ochlik e’lon qilib kelmoqdamiz, dushanba kunidan boshlab Kotopaksi, Santo-Domingo va Imbabura provinsiyalari ham bizga qo‘shilmoqchi”, — dedi uyushma raisi Izabel Vargas matbuot anjumanida.
Ayni paytda aksiyada jami 48 kishi, jumladan o‘qituvchilar, o‘quvchilar va ota-onalar ishtirok etmoqda. Aksiya madaniyatlararo ta’lim to‘g‘risidagi federal qonun (LOEI)ga kiritilgan o‘zgartirishlarni himoya qilish uchun boshlangan. Ular bazaviy oylik maoshni 1000 dollar qilib belgilaydigan tuzatishlarni talab qilmoqda. Hozirda ushbu miqdor 800 dollarni tashkil qiladi. Ishtirokchilardan biri allaqachon kasalxonaga yotqizilgan.
Avvalroq Ekvadordagi prezidentlik saylovlarida sobiq bankir g‘olib bo‘lgani, Ekvador sobiq vitse-prezidenti korrupsiyaga oid modda bilan 8 yilga qamalgani haqida xabar berilgandi.
Izoh (0)