Ozarbayjon Mudofaa vazirligi Armaniston hududidan mamlakat qurolli kuchlarining pozitsiyasiga o‘t ochilganini va mazkur harakatga javob qaytarilganini ma’lum qildi, deb yozmoqda “TASS”.
“16-iyul kuni soat 20:40 dan 22:30 ga qadar (Toshkent vaqti bilan 21:40 dan 23:30 ga qadar) Armaniston qurolli kuchlari bo‘linmasi o‘z pozitsiyasidan turib Basarkechar tumanining Yuxari Shorja qishlog‘iga hamda 17-iyul kuni 01:00 da (Toshkent vaqti bilan 02:00da) Berdsk tumanining Mosesgex va Tovuz tumanining Agdam qishloqlariga qurolli hujumlar uyushtirgan (ikkala tuman ham Armaniston bilan chegara hududda joylashgan)”, – deyiladi vazirlik bayonotida.
Bundan tashqari Ozarbayjon mudofaa vazirligi bergan ma’lumotlarga ko‘ra 17-iyul kuni soat 09:30 da Vediy tumanining Arazdeyen qishlog‘idan turib Naxichevan avtonom respublikasining Sadarak tumanidagi harbiy obyektlarga turli kalibrdagi qurollardan o‘qqa tutilgan.
“O‘t ochishning faolligini bostirish maqsadida mazkur harakatlarga nisbatan javob qaytarilgan”, – deyilgan xabarda.
Mudofaa vazirligi Ozarbayjon qurolli kuchlari harbiylari orasida halok bo‘lganlar yo‘qligini bildirgan.
2020-yil kuzida Tog‘li Qorabog‘ atrofida kuzatilgan Armaniston hamda Ozarbayjon harbiylarining qurolli to‘qnashuvlaridan keyin Tog‘li Qorabog‘ga qarshi yettita tuman Boku ixtiyoriga o‘tgan Syuniksk va Gegarkun viloyatlari armanlarning ozarbayjonlar bilan chegara hududi deb hisoblana boshlangan. Vaziyat 2021-yil 12-mayda yana keskinlashgan. Shundan buyon ikki tomon yangi qurolli to‘qnashuvlar, ko‘ngilsiz hodisalar sodir bo‘layotgani haqida xabar berib turibdi.
Armaniston bosh vaziri vazifasini bajaruvchi Nikol Pashinyan Yevropa kengashi raisi Sharl Mishel bilan birgalikda ishtirok etgan matbuot-anjumanida Ozarbayjonning Tog‘li Qorabog‘ va arman-ozarbayjon chegarasida yangi qurolli to‘qnashuvlarni boshlamoqchi ekanini aytgan.
“Norasmiy manbalardan kelib tushgan axborotlarga ko‘ra Ozarbayjon Artsax (Tog‘li Qorabog‘) va Armaniston—Ozarbayjon chegarasida yangi harbiy to‘qnashuvlar boshlanishiga sabab bo‘lishi mumkin. Naxichevan hududidagi voqealar ham bu sodir bo‘lishi mumkinligini ko‘rsatmoqda. Ozarbayjon tomonidan qilinayotgan bu kabi salbiy harakatlar chegarani delimitatsiya va demarkatsiya qilish ishlarini amalga oshirishga to‘sqinlik qilmoqda”, – degan Pashinyan.
Izoh (0)