Samarqandda haydovchi rulni keskin burishi oqibatida yuk mashinasi ag‘darilib ketdi, deya xabar bermoqda viloyat IIB YHXB axborot xizmati.
Ma’lum qilinishicha, 2021-yil 16-iyul kuni soat 10:00 larda M-39 avtomobil yo‘ling 1081-kilometrida Buxoro—Toshkent yo‘nalishida harakatlanib ketayotgan yuk transport vositasi haydovchisi aylanma harakatlanish davomida rulni keskin burib yuborishi oqibatida mashina o‘ng tomonga ag‘darilgan.
Hodisa oqibatida avtotransport vositasiga moddiy zarar yetgan, jarohat olganlar yo‘q.
Holat tegishli tartibda rasmiylashtirilgan.
Bundan avval Sirdaryoda Damas’ga urilgan Isuzu yuk mashinasi ag‘darilib, undagi kolbasa mahsulotlari yerga sochilgani, Buxoroda mashina haydashni o‘rgatuvchi instruktor boshqaruvidagi Matiz ag‘darilib ketgani hamda Samarqandda Damas va avtobus to‘qnashuvi oqibatida ikki yo‘lovchi halok bo‘lgani haqida xabar berilgandi.
Izoh (0)