Самарқандда ҳайдовчи рулни кескин буриши оқибатида юк машинаси ағдарилиб кетди, дея хабар бермоқда вилоят ИИБ ЙҲХБ ахборот хизмати.
Маълум қилинишича, 2021 йил 16 июль куни соат 10:00 ларда М-39 автомобиль йўлинг 1081-километрида Бухоро—Тошкент йўналишида ҳаракатланиб кетаётган юк транспорт воситаси ҳайдовчиси айланма ҳаракатланиш давомида рулни кескин буриб юбориши оқибатида машина ўнг томонга ағдарилган.
Ҳодиса оқибатида автотранспорт воситасига моддий зарар етган, жароҳат олганлар йўқ.
Ҳолат тегишли тартибда расмийлаштирилган.
Бундан аввал Сирдарёда Damas’га урилган Isuzu юк машинаси ағдарилиб, ундаги колбаса маҳсулотлари ерга сочилгани, Бухорода машина ҳайдашни ўргатувчи инструктор бошқарувидаги Matiz ағдарилиб кетгани ҳамда Самарқандда Damas ва автобус тўқнашуви оқибатида икки йўловчи ҳалок бўлгани ҳақида хабар берилганди.
Изоҳ (0)