Xitoyning Xiaomi kompaniyasi 29-iyun kuni Mi Notebook Pro X noutbugining rasmiy tizeri va uning narxiga oid ma’lumotlarni e’lon qildi, deb xabar beradi IXBT. Ma’lum qilinishicha, ushbu model kompaniya lineykasidagi eng qimmat noutbukka aylanadi.
Qiymati 1500 AQSh dollariga baholanayotgan noutbukka Intel Tiger Lake-H35 protsessori, GeForce RTX 3050 Ti va LPDDR4X-4266 MGs xotirasi o‘rnatilgan. So‘nggi ehtiyot qism hatto alohida tizer bilan ko‘rsatilgan.
Mi Notebook Pro X butunlay metall korpusga ega bo‘lgan, displey sifatida OLED paneldan foydalanilgan. Noutbukning rasmiy premyerasi 30-iyun sanasiga rejalashtirilgan.
Eslatib o‘tamiz, 1-aprel kuni Xiaomi Mi Pro 15 va Mi Pro 14 noutbuklarini taqdim etgandi. Ushbu noutbuklar katta hajmdagi vazifalar bilan ishlovchi professionallar uchun mo‘ljallangan edi. Ularning korpusi alyuminiydan ishlangan, quvvatlantirish tugmasiga barmoq izi skaneri o‘rnatilgan.
Izoh (0)