Internetda iPhone 13, iPhone 13 mini, iPhone 13 Pro va iPhone 13 Pro Max smartfonlarining aniq maketlari tasvirlangan ilk suratlar paydo bo‘ldi. Maketlar smartfonlarning elektron qismisiz aniq nusxasi hisoblanadi. U smartfonlar tashqi ko‘rinishini qurilma taqdim etilishidan ancha oldin ko‘rish imkonini beradi va g‘ilof ishlab chiqaruvchilar tomonidan foydalaniladi, deb xabar beradi IXBT.
Ma’lum bo‘lishicha, Apple bu safar ham iPhone 12 lineykasidagi dizayndan foydalanadi. Bundan tashqari, iPhone 13 va 13 mini kameralari moduli endi diagonaliga joylashadi. Suratlarni e’lon qilgan manbaning yozishicha, yangi lineykadagi barcha modellar o‘zidan oldingi avloddan biroz qalinroq bo‘ladi. Bu batareyalar sig‘imining ortgani va kameralari yaxshilangani bilan bog‘liq.
TrendForce nashri mutaxassislarning fikricha, barcha to‘rtta model tasvirni sensor burilishi hisobiga barqarorlashtiruvchi optik tizimga ega bo‘ladi. Shu bilan birga, to‘rtalla iPhone’ga ham o‘rnatiladigan keng burchakli modul avtofokusli yaxshilangan obyektivga (6P) ega bo‘ladi. Faqatgina ikkita Pro-model lazerli dalnomerga ega bo‘ladi.
Maketlar g‘ilof ishlab chiqaruvсhilar qo‘liga tushgani bois ijtimoiy tarmoqlarda unga mos tasvirlar paydo bo‘lgan.
So‘nggi ma’lumotlarga ko‘ra, yangi lineykani ommaviy ishlab chiqarish avgust oxiri yoki sentabr boshida, savdolar esa 14-sentabrdan boshlanadi.
Avvalroq iPhone 13 lineykasidagi barcha smartfonlarning narxi va xotira hajmi ma’lum bo‘lgandi.
Izoh (0)