TF International’ning taniqli tahlilchisi Ming-Chi Kuo investorlar uchun 2022-yilda taqdim etiladigan iPhone lineykasiga oid ayrim qiziqarli prognozlarni e’lon qildi, deb xabar beradi IXBT.
Mashhur tahlilchining bayonotiga ko‘ra, 2022-yilda iPhone lineykasi iPhone 14, iPhone 14 Max, iPhone 14 Pro va iPhone 14 Pro Max nomi ostidagi to‘rtta modeldan tarkib topadi. Oldingi lineykalardan o‘rin olgan mini versiya boshqa ishlab chiqarilmaydi.
Shuningdek, ta’kidlanishicha, modellarning ekranlari o‘lchami faqat 6,1 dan 6,7 dyuymgacha bo‘ladi. Bundan tashqari, iPhone 14 Max modeli 900 dollardan arzonroq narxda sotuvga chiqishi to‘g‘risida ma’lumotlar bor. Ushbu model taxminlarga ko‘ra, eng ommabop iPhone’ga aylanishi kerak.
iPhone 14 savdolarining oshishiga qurilmalarning sezilarli darajada yaxshilanishi, jumladan, displey ostidan Touch ID daktiloskopik datchigi va Pro modellarda 48 megapikselli kameralar o‘rin olishi kutilmoqda.
Avvalroq iPhone 13 lineykasidagi barcha smartfonlarning narxi va xotira hajmi ma’lum bo‘lgan, Apple talab kamligi bois iPhone 12 mini’ni ishlab chiqarishni to‘xtatishi to‘g‘risida xabar berilgandi.
Mavzuga doir: Dunyodagi eng ommabop iPhone nomi ma’lum bo‘ldi
Izoh (0)