Lenovo kompaniyasi turli noutbuklar uchun simsiz quvvatlantirgich vazifasini bajarish imkonini beradigan Go Wireless Charging Kit nomli yangi mahsulotini taqdim etdi, deb xabar beradi Hi-Tech.Mail.ru. Unda ancha keng tarqalgan Qi standartidan emas, balki Energy Square’ning Power by Contact texnologiyasidan foydalanilgan.
Jamlanma qalinligi 3,2 millimetr keladigan metalli quvvatlantirgich-gilamcha va uzun priyomnikdan tarkib topgan. Gilamcha rozetkaga ulanadi va qurilma ostida turadi, bu vaqtda priyomnik noutbuk asosiga va uning USB-C portiga qotiriladi.
Ta’kidlash kerakki, noutbuklar uchun simsiz quvvatlantirgich kamdan kam hollarda uchraydi. Dell kompaniyasi 2017-yilda dunyodagi birinchi simsiz quvvatlantirgich deya e’tirof etilgan Latitude 7285 quvvatlantirish qurilmasini taqdim etgandi. U klaviatura-podstavka orqali quvvatlantirish mumkin bo‘lgan planshet edi. Shuningdek, Intel ham Rezence magnit-rezonans quvvatlantirish standartini o‘z noutbuklariga moslashtirishga uringan, biroq natijada tijoriy muvaffaqiyatsiz keyslar paydo bo‘lgan.
Lenovo simsiz quvvatlantirish jamlanmasini 2021-yilning oktabrida 140 dollar qiymatida sotuvga chiqaradi.
Izoh (0)