Yoz jaziramasida pechda bir zumda tayyorlash mumkin bo‘lgan 5 yegulik

Bir-biridan mazali, shu bilan birga tayyorlash ko‘p vaqt talab qilmaydigan yeguliklar retseptini e’tiboringizga havola qilamiz.

Bulochkali tuxum

Kerakli mahsulotlar:

• bulochka — 2 dona;
• go‘sht — 2 stakan;
• qattiq pishloq;
• marinadlangan bodring — 1 dona;
• tuxum — 2 dona;
• tuz, murch, ziravor va ko‘katlar.

• O‘rtasidan bo‘lingan bulochkani ichini o‘yib oling.
• Ichiga pishirilgan go‘sht va bodring soling.
• Ustidan tuxum chaqing.
• Tuz va ziravorlar seping.
• Qirg‘ichdan chiqarilgan pishloq sepib ustini bulochkaning ikkinchi qismi bilan yoping.
• Folga qog‘ozga o‘rab, 180 daraja qizigan pechda 20 daqiqa davomida pishirib oling.

Kerakli mahsulotlar:

• muzlatilgan chuchvaralar — 800 g;
• piyoz — 2 dona;
• qattiq pishloq — 100 g;
• tuxum — 4 dona;
• mayonez yoki smetana — 250 g;
• tuz, murch, ko‘katlar.

• “Kubik” shaklida to‘g‘ralgan piyozni o‘simlik yog‘i solingan tovada qovurib oling.
• Sariyog‘ surtilgan maxsus qolipni 200 daraja qizigan pechga qo‘yib qizdiring.
• Chuchvaralarni solib ustidan tuz va murch seping.
• Ustidan piyozni soling.
• Mayonezga qo‘shib aralashtirilgan tuxum soling.
• Qirg‘ichdan chiqarilgan pishloq solib 40 daqiqa davomida pishirib oling.
• Ko‘katlar bilan bezang.

Kerakli mahsulotlar:

• karam — 300 g;
• guruch — 0,5 stakan;
• qiyma — 500 g;
• piyoz — 1 dona;
• tuxum — 1 dona;
• o‘simlik yog‘i — 1-2 osh qoshiq;
• tuz, murch, ziravorlar;
• tomat pastasi — 100 g;
• smetana — 100 g.

• Tayyor qiymaga maydalangan piyoz, karam, tuz, murch, ziravorlar, tuxum va guruch qo‘shing.
• Yaxashilab aralashtirib sharchalar holatiga keltiring.
• Smetanaga tomat pastasi va tuz qo‘shib aralashtiring.
• Sousga burkab olingan sharchalarni 180 daraja qizigan pechda 40 daqiqa davomida pishirib oling.

Kerakli mahsulotlar:

• baliq filesi — 600 g;
• limon — 1 dona;
• pomidor — 2 dona;
• piyoz — 1 dona;
• sabzi — 1 dona;
• qattiq pishloq — 50 g;
• sariyog‘ — 30 g;
• o‘simlik yog‘i — 1-2 osh qoshiq;
• tuz, murch.

• Baliq filesiga tuz, murch sepib, limon sharbatiga marinadlab 10 daqiqaga qoldiring.
• Sariyog‘ surtilgan folga qog‘ozlariga soling.
• Ustiga pomidor va sabzi bilan qo‘shib qovurilgan piyoz soling.
• Ustidan qirg‘ichdan chiqarilgan pishloq seping va folgani o‘rab 35-40 daqiqa davomida pechda pishirib oling.

Kerakli mahsulotlar:

• lavash xamiri — 1 dona;
• olma — 1 dona;
• limon — 1 dona;
• tuxum — 1 dona;
• sariyog‘ — 50 g;
• shakar — 1 osh qoshiq;
• maydalangan non talqoni — 0,5 qoshiq;
• vanilin.

• Bo‘laklarga bo‘lingan olma ustidan limon sharbati quying.
• Mevaning yarmini sariyog‘da qovuring, vanilin va shakar seping.
• 15 daqiqa yumshagunicha dimlang.
• Ustidan talqon soling.
• Sariyog‘ surtilgan lavash xamirining yarmiga nachinka soling.
• Rulet shaklida o‘rang.
• Ustiga tuxumning oqini surtib, shakar va dolchin seping.
• 180 daraja qizigan pechda 15 daqiqa davomida pishirib oling.