Andijon viloyati Asaka tumanida yo‘lni belgilanmagan joydan kesib o‘tayotgan 6 yoshli bolani urib yubordi. Bu haqda viloyat YHXB matbuot xizmati xabar qildi.
Qayd etilishicha, hodisa joriy yilning 20-avgust kuni soat 15:00 larda, Asaka tumani “Beruniy” MFY Al-Buxoriy ko‘chasidan o‘tgan yo‘lda sodir bo‘lgan.
Unda 1991-yilda tug‘ilgan haydovchi J.R. o‘zining Damas rusumli mashinasida yo‘lning o‘ng tomonidan chap tomoniga belgilanmagan joydan kesib o‘tayotgan 2019-yilda tug‘ilgan M.M.ni urib yuborib, yo‘l-transport hodisasi sodir etgan.
YTH oqibatida voyaga yetmagan piyoda yengil tan jarohati olib, Asaka tuman tez tibbiy yordam bo‘limiga yotqizilgan.
Hozirda mazkur holat yuzasidan Asaka tumani IIB YHXG xodimi tomonidan surishtiruv ishlari olib borilmoqda.
Shu kabi holat Andijonda joriy yilning 11-avgust kunida ham sodir bo‘lgan edi. Unda 1996-yilda tug‘ilgan Damas haydovchisi piyodalar o‘tish joyidan yo‘lni kesib o‘tayotgan 9 yoshli bolani urib yuborgandi.
Izoh (0)