Yozga yangi qomat bilan: Oz bo‘lsa-da vazn tashlashga yordam beruvchi tavsiyalar

Yoz mavsumiga ham oz vaqt qoldi, ammo siz hali ham bir-ikki kilogramm vazn yo‘qotishga ulgurishingiz mumkin. Fitness va qat‘iy parhezlarsiz qanday qilib vazn yo‘qotish haqida ma’lumot beramiz.

Ovqat vaqtida suv ichmang

Ovqatlanayotganda suv ichish bolaligimizdan singdirilgan yomon odatdir. Organizm mukammal tizim bo‘lib, ovqat iste’mol qilinganda oshqozonda me’da shirasi ajralib chiqadi, bu esa ovqatni hazm qiladi va metabolizmni tezlashtiradi. Agar suv, choy yoki boshqa biror-bir suyuqlikni taomlanish bilan ichsangiz, oshqozon kislotasi suyuladi va ovqat sekinroq hazm bo‘ladi.

Mevalardan voz keching

Mevalar tarkibida ham shakar ham bor, lekin biroz boshqacha. Fruktoza — bu shakarqamishga qaraganda zararli bo‘lmagan, ammo vazn yo‘qotishiga xalaqit beradigan yana bir turdagi shakar hisoblanadi. Banan iste’mol qilinganda, fruktoza qonga singadi, natijada insulin keskin ko‘tariladi. Organizmda to‘qlik hissi paydo bo‘ladi, ammo bu yolg‘on hissiyot. Bu holat juda tez o‘tib ketadi, keyin esa bundan ham ko‘proq ovqat yeyishni xohlaysiz, chunki siz tanani aldashga urindingiz va unga ovqat bermadingiz. Agar shirinlik yeyishni to‘xtatgan bo‘lsangiz, mevalardan ham voz kechganingiz ma’qul.

Yugurishni yoqtirmaysizmi? Sakrashni-chi? Psixologlarning ta’kidlashicha, arqonda sakrash — bu eng yaxshi kardio mashg‘ulotdir. Gap shundaki, endi yugurishni boshlaganlar tezda charchaydi va masofa juda uzoqdek tuyuladi. Arqonda sakrash kaloriyalarni mukammal darajada yo‘qotadi va kardio mashqlar o‘rnini bosadi.

Ko‘proq sayr qilish

Yugurishning yana bir muqobil varianti — yurish. Bu usul oyoq mushaklarini yanada mustahkam qilishiga va bir necha kilogramm vazn yo‘qotishga yordam beradi. Sevimli musiqangizni tinglab, do‘stingiz yoki audiokitobingizni olib, sayrga chiqing. 10 ming qadam — bu minimal, agar siz 20 ming qadam yursangiz, natija yanada samarali bo‘ladi

Diyetologlar uyg‘ongandan keyingi birinchi soatda nonushta qilishni maslahat beradi. Bu quyidagicha bo‘ladi: uyg‘onib, darhol 0,5 litr limonli suv iching va yarim soat ichida nonushta qiling, lekin ovqat vaqtida suv ichmang. Ushbu qoida metabolizmni yaxshilashga yordam beradi.

Hammom bug‘xonasidan foydalaning

Vanna va saunalar limfa oqimini harakatga keltirish va ortiqcha suvni chiqarib tashlashning ajoyib usuli hisoblanadi. O‘zingiz bilan ikki litr suv olib (bu suvsizlanishning oldini olish uchun kerak), hammom bug‘xonasiga kiring. Birinchi kundanoq vazningiz kamayganini sezasiz va bu usulni muntazam takrorlash natijasida ancha kiloga ozish mumkin.

Ozish dasturini yuklab oling

Bunday dasturlar kaloriyalarni hisoblash uchun kerak. Ular juda ko‘p, ammo eng qulayi FatSecret bo‘lib, u nafaqat kaloriyalarni, balki oqsil, yog‘ va uglevodlar miqdorini ham aniqlaydi. Ovqatlanishdan oldin mahsulot kaloriyasini tekshirishingiz va tezroq vazn yo‘qotish uchun diyetangizni nazorat qilishingiz mumkin. Ilovada deyarli barcha mahsulotlar mavjud.

Liftdan foydalanmang

Oddiy, ammo yaxshi natija beradigan usul — zinalardan yurish. Ammo zinalardan tushishda ham, ko‘tarilishda ham foydalaning. Chunki pastga tushganda bir mushak guruhi, ko‘tarilishda esa boshqasi ishtirok etadi. Agar sizda kuch va ishtiyoq bo‘lsa, bir-ikki qavatga ko‘tarilib, keyin o‘z qavatingizga tushing.