Ratsioningizga zaytun moyini kiritish uchun 8 sabab

Mutaxassislarning ta’kidlashicha, me’yordagi zaytun moyi sog‘liq uchun juda foydali hisoblanadi.

1. Zaytun moyi monoto‘yinmagan yog‘larga boy

Zaytun mevasi tarkibida omega-3 va omega-6 kabi 14 foiz to‘yingan va 11 foiz monoto‘yinmagan yog‘ mavjud. Eng muhimi, mevada monoto‘yinmagan oleyk kislotasi mavjud bo‘lib, u meva tarkibining umumiy 73 foizini tashkil qiladi.

Tadqiqotlardan ma’lum bo‘lishicha, zaytun yog‘i yallig‘lanishni kamaytiradi va saraton kasalligining oldini oladi. Bundan tashqari, monoto‘yinmagan yog‘ yuqori haroratga chidamli bo‘lib, qovurilganda ham foydaliligini yo‘qotmaydi

Qo‘shimchalarsiz toza zaytun moyi juda to‘yimli hisoblanadi. Uning tarkibida muhim yog‘ kislotalaridan tashqari, K va E vitaminlari, shuningdek, surunkali kasallik xavfini kamaytiradigan kuchli antioksidantlar mavjud. Ular yallig‘lanish bilan kurashadi va qondagi xolesterol oksidlanishidan himoya qiladi, bu esa yurak xastaligining oldini olishga yordam beradi.

Tanadagi surunkali yallig‘lanish diabet, artrit va Alsgeymer kasalligiga olib kelishi mumkin. Zaytun moyi oleokantal tufayli yallig‘lanishni kamaytirishga yordam beradi. Oleokantal — ibuprofen kabi ishlaydigan antioksidantdir. Mutaxassislar 50 gramm yog‘ning ta’siri kattalar uchun ibuprofenning o‘n foiz dozasiga teng ekanligini aniqlashgan.

4. Zaytun moyi artrit bilan kurashishda yordam beradi

Revmatoid artrit — bu immunitet susayganda tanadagi sog‘lom hujayralar va bo‘g‘imlarni zararlovchi autoimmun kasallikdir. Ovqat tarkibidagi zaytun moyi oksidlovchi stress va yallig‘lanishni kamaytirishga yordam beradi. Shifokorlar uni baliq yog‘i bilan birga iste’mol qilishni maslahat beradi, bunday aralashma bo‘g‘imlarni mustahkamlaydi.

Olimlarning fikriga ko‘ra, zaytun moyi qondagi shakar miqdoriga va insulin sezgirligiga yaxshi ta’sir ko‘rsatadi. 418 kishida o‘tkazilgan tadqiqotlar natijasiga ko‘ra, O‘rta Yer dengizi parhezi 2-toifa diabet rivojlanish xavfini 40 foizdan ko‘proqqa kamaytirgan. Buning uchun qolgan elementlar — oqsil va uglevodlar balansi ham hisobga olinishi kerak.

Vazn tashlamoqchi bo‘lganlar ratsionda yog‘ miqdori qat’iy cheklangan bo‘lishi lozim. Shunga qaramay, olimlar va ovqatlanish mutaxassislari zaytun moyiga boy O‘rta Yer dengizi parhezini sog‘liq uchun eng foydali va samarali hisoblaydi. 30 oy davom etgan tajribada har kuni 7 mingga yaqin ispaniyalik kollej talabalari ovqatiga zaytun moyi qo‘shib berilgan. Natijada ular nafaqat ortiqcha vazn to‘plashmagan, balki ba’zilari ozgan ham.

7. Zaytun moyi insultning oldini olishga yordam beradi

Rivojlangan mamlakatlarda insult yurak yetishmovchiligi kasalligidan keyingi o‘rinda turuvchi o‘lim holatlarining ikkinchi sababi hisoblanadi. 841 ming kishi ishtirok etgan 32 ta tadqiqot natijasiga ko‘ra, olimlar zaytun moyi kasallikning rivojlanish xavfini kamaytiradigan monoto‘yinmagan yog‘larning yagona manbai degan xulosaga kelgan.

Zaytun moyi zararli bakteriyalarni, shu jumladan, oshqozon yarasining keng tarqalgan sababchisi — helicobacter pylori’ni ham yo‘q qiladi. Shifokorlarning ta’kidlashicha, zaytun moyi ushbu bakteriyaning sakkiz turiga qarshi kurashadi, ularning uchtasi antibiotiklarga chidamli bakteriyalardir. Olimlar infeksiyaga qarshi kurashish uchun har kuni 30 gramm zaytun moyi iste’mol qilishni maslahat beradi.