Ёзга янги қомат билан: Оз бўлса-да вазн ташлашга ёрдам берувчи тавсиялар

Ёз мавсумига ҳам оз вақт қолди, аммо сиз ҳали ҳам бир-икки килограмм вазн йўқотишга улгуришингиз мумкин. Фитнесс ва қатъий парҳезларсиз қандай қилиб вазн йўқотиш ҳақида маълумот берамиз.

Овқат вақтида сув ичманг

Овқатланаётганда сув ичиш болалигимиздан сингдирилган ёмон одатдир. Организм мукаммал тизим бўлиб, овқат истеъмол қилинганда ошқозонда меъда шираси ажралиб чиқади, бу эса овқатни ҳазм қилади ва метаболизмни тезлаштиради. Агар сув, чой ёки бошқа бирор-бир суюқликни таомланиш билан ичсангиз, ошқозон кислотаси суюлади ва овқат секинроқ ҳазм бўлади.

Мевалардан воз кечинг

Мевалар таркибида ҳам шакар ҳам бор, лекин бироз бошқача. Фруктоза — бу шакарқамишга қараганда зарарли бўлмаган, аммо вазн йўқотишига халақит берадиган яна бир турдаги шакар ҳисобланади. Банан истеъмол қилинганда, фруктоза қонга сингади, натижада инсулин кескин кўтарилади. Организмда тўқлик ҳисси пайдо бўлади, аммо бу ёлғон ҳиссиёт. Бу ҳолат жуда тез ўтиб кетади, кейин эса бундан ҳам кўпроқ овқат ейишни хоҳлайсиз, чунки сиз танани алдашга уриндингиз ва унга овқат бермадингиз. Агар ширинлик ейишни тўхтатган бўлсангиз, мевалардан ҳам воз кечганингиз маъқул.

Югуришни ёқтирмайсизми? Сакрашни-чи? Психологларнинг таъкидлашича, арқонда сакраш — бу энг яхши кардио машғулотдир. Гап шундаки, энди югуришни бошлаганлар тезда чарчайди ва масофа жуда узоқдек туюлади. Арқонда сакраш калорияларни мукаммал даражада йўқотади ва кардио машқлар ўрнини босади.

Кўпроқ сайр қилиш

Югуришнинг яна бир муқобил варианти — юриш. Бу усул оёқ мушакларини янада мустаҳкам қилишига ва бир неча килограмм вазн йўқотишга ёрдам беради. Севимли мусиқангизни тинглаб, дўстингиз ёки аудиокитобингизни олиб, сайрга чиқинг. 10 минг қадам — бу минимал, агар сиз 20 минг қадам юрсангиз, натижа янада самарали бўлади

Диетологлар уйғонгандан кейинги биринчи соатда нонушта қилишни маслаҳат беради. Бу қуйидагича бўлади: уйғониб, дарҳол 0,5 литр лимонли сув ичинг ва ярим соат ичида нонушта қилинг, лекин овқат вақтида сув ичманг. Ушбу қоида метаболизмни яхшилашга ёрдам беради.

Ҳаммом буғхонасидан фойдаланинг

Ванна ва сауналар лимфа оқимини ҳаракатга келтириш ва ортиқча сувни чиқариб ташлашнинг ажойиб усули ҳисобланади. Ўзингиз билан икки литр сув олиб (бу сувсизланишнинг олдини олиш учун керак), ҳаммом буғхонасига киринг. Биринчи кунданоқ вазнингиз камайганини сезасиз ва бу усулни мунтазам такрорлаш натижасида анча килога озиш мумкин.

Озиш дастурини юклаб олинг

Бундай дастурлар калорияларни ҳисоблаш учун керак. Улар жуда кўп, аммо энг қулайи FatSecret бўлиб, у нафақат калорияларни, балки оқсил, ёғ ва углеводлар миқдорини ҳам аниқлайди. Овқатланишдан олдин маҳсулот калориясини текширишингиз ва тезроқ вазн йўқотиш учун диетангизни назорат қилишингиз мумкин. Иловада деярли барча маҳсулотлар мавжуд.

Лифтдан фойдаланманг

Оддий, аммо яхши натижа берадиган усул — зиналардан юриш. Аммо зиналардан тушишда ҳам, кўтарилишда ҳам фойдаланинг. Чунки пастга тушганда бир мушак гуруҳи, кўтарилишда эса бошқаси иштирок этади. Агар сизда куч ва иштиёқ бўлса, бир-икки қаватга кўтарилиб, кейин ўз қаватингизга тушинг.