O‘zbekiston bosh prokurori Nig‘matilla Yo‘ldoshev 2020-yilda hisobdan yashirilgan 2437 ta jinoyat aniqlanib, markazlashgan hisobga qo‘yilgani, jinoyatlarni qasddan yashirgan mas’ul xodimlarning 22 nafari jinoiy javobgarlikka tortilganini ma’lum qildi. Bu haqda u Senatda 23-aprel kuni bo‘lib o‘tgan 14-yalpi majlisda prokuratura organlari tomonidan 2020-yilda amalga oshirilgan ishlar to‘g‘risidagi hisobotida ma’lum qildi.
Chilonzor tumanida ichki ishlar xodimlari 4 nafar, Shayxontohur tumanida esa 18 nafar fuqaroning bosqinchilik, bezorilik va o‘g‘rilik haqidagi murojaatlari bo‘yicha hujjatlarni soxtalashtirib, jinoyatlarni qasddan yashirgan.Shuningdek, Yo‘ldoshev 2020-yildan barcha jinoyatlarni 2 toifaga: oldini olish mumkin bo‘lgan va aniqlanadigan jinoyatlarga ajratib, jinoyatlarning oldi olinishi, aniqlanadigan jinoyatlarning fosh etilishi ustidan nazorat kuchaytirilganini bildirgan. Natijada, 2020-yilda jinoyatlarni aniqlash ko‘rsatkichi oldingi yillarga nisbatan keskin ortib, qariyb 20 mingtani tashkil qilgani bildirildi. Bosh prokuror jinoyat haqidagi ariza va xabarlarni qabul qilish va hal etish ustidan nazoratni yanada kuchaytirilganini ta’kidlab o‘tgan.Bunday salbiy holatlarning oldini olish maqsadida tergovga qadar tekshiruv ustidan elektron nazorat qilish imkonini beruvchi “E-material” elektron tizimi yaratildi. Ushbu tizimga tergovga qadar tekshiruvni amalga oshiruvchi 12 ta idoraning integratsiya qilinishi va to‘liq ishga tushirilishi ta’minlandi. Endilikda mas’ul idora rahbarlari va prokurorlar tekshirish jarayonlarining borishini onlayn kuzatish va nazorat qilish imkoniyatiga ega bo‘ldi.
Nig‘matilla Yo‘ldoshev, bosh prokuror
Eslatib o‘tamiz, avvalroq Jizzaxda maktab o‘quvchisini zo‘rlagan shaxs jinoyati 20 yil o‘tib fosh bo‘lgani, Qashqadaryoda 8-sinf o‘quvchisini zo‘rlagan va qizning homiladorligini bilgach, unga o‘zini o‘ldirish usullarini o‘rgatgani aytilgan fuqaro javobgarlikka tortilmagani hamda Quvada 19 yoshli qizni uch kishi zo‘rlab, nomusiga teggani haqida xabar berilgandi.
Mavzuga doir:
- Qashqadaryoda 66 yoshli chol va uning kampiri vahshiylarcha o‘ldirilib, yoqib yuborilgan. Voqea bo‘yicha gumonlanuvchilar ozodlikda yuribdi
- “Oxirgi umidim Senat raisidan”. Samarqandda adolatsizlikka duch kelgan ayol viloyat mas’ullari bilan uchrasholmayotganini aytmoqda
- “Erim bir necha kishi tomonidan o‘ldirilgan, ammo prokuratura bir kishini ayblash bilan kifoyalanmoqda”. Eri pichoqlab o‘ldirilgan qashqadaryolik ayol adolat istamoqda
- Buxoroda IIB xodimlarining xatosi bilan 11 yil umrini qamoqda o‘tkazgan 53 yoshli fuqaro aybsiz deb topildi
Izoh (0)