Ўзбекистон бош прокурори Ниғматилла Йўлдошев 2020 йилда ҳисобдан яширилган 2437 та жиноят аниқланиб, марказлашган ҳисобга қўйилгани, жиноятларни қасддан яширган масъул ходимларнинг 22 нафари жиноий жавобгарликка тортилганини маълум қилди. Бу ҳақда у Сенатда 23 апрель куни бўлиб ўтган 14-ялпи мажлисда прокуратура органлари томонидан 2020 йилда амалга оширилган ишлар тўғрисидаги ҳисоботида маълум қилди.
Мавзуга доир: ИИВ Термизда мактаб ўқувчисини зўрлаган шахс ишини «тинчитиб» юборган ИИБ фаолияти бўйича хизмат текширувини ўтказмоқда
Чилонзор туманида ички ишлар ходимлари 4 нафар, Шайхонтоҳур туманида эса 18 нафар фуқаронинг босқинчилик, безорилик ва ўғрилик ҳақидаги мурожаатлари бўйича ҳужжатларни сохталаштириб, жиноятларни қасддан яширган.Шунингдек, Йўлдошев 2020 йилдан барча жиноятларни 2 тоифага: олдини олиш мумкин бўлган ва аниқланадиган жиноятларга ажратиб, жиноятларнинг олди олиниши, аниқланадиган жиноятларнинг фош этилиши устидан назорат кучайтирилганини билдирган. Натижада, 2020 йилда жиноятларни аниқлаш кўрсаткичи олдинги йилларга нисбатан кескин ортиб, қарийб 20 мингтани ташкил қилгани билдирилди. Бош прокурор жиноят ҳақидаги ариза ва хабарларни қабул қилиш ва ҳал этиш устидан назоратни янада кучайтирилганини таъкидлаб ўтган.Бундай салбий ҳолатларнинг олдини олиш мақсадида терговга қадар текширув устидан электрон назорат қилиш имконини берувчи «E-material» электрон тизими яратилди. Ушбу тизимга терговга қадар текширувни амалга оширувчи 12 та идоранинг интеграция қилиниши ва тўлиқ ишга туширилиши таъминланди. Эндиликда масъул идора раҳбарлари ва прокурорлар текшириш жараёнларининг боришини онлайн кузатиш ва назорат қилиш имкониятига эга бўлди.
Ниғматилла Йўлдошев, бош прокурор
Эслатиб ўтамиз, аввалроқ Жиззахда мактаб ўқувчисини зўрлаган шахс жинояти 20 йил ўтиб фош бўлгани, Қашқадарёда 8-синф ўқувчисини зўрлаган ва қизнинг ҳомиладорлигини билгач, унга ўзини ўлдириш усулларини ўргатгани айтилган фуқаро жавобгарликка тортилмагани ҳамда Қувада 19 ёшли қизни уч киши зўрлаб, номусига теккани ҳақида хабар берилганди.
Мавзуга доир:
- Қашқадарёда 66 ёшли чол ва унинг кампири ваҳшийларча ўлдирилиб, ёқиб юборилган. Воқеа бўйича гумонланувчилар озодликда юрибди
- «Охирги умидим Сенат раисидан». Самарқандда адолатсизликка дуч келган аёл вилоят масъуллари билан учрашолмаётганини айтмоқда
- «Эрим бир неча киши томонидан ўлдирилган, аммо прокуратура бир кишини айблаш билан кифояланмоқда». Эри пичоқлаб ўлдирилган қашқадарёлик аёл адолат истамоқда
- Бухорода ИИБ ходимларининг хатоси билан 11 йил умрини қамоқда ўтказган 53 ёшли фуқаро айбсиз деб топилди
Изоҳ (0)