O‘zbekistonda koronavirusga chalingani rasman tan olinganlar soni 89 027 nafarga yetdi. Sog‘liqni saqlash vazirligi ma’lumotlariga ko‘ra, 24-aprel kuni mamlakatning 14 ta hududida jami 348 ta kasallanish holati aniqlangan. Bundan bir kun avval 399 kishida COVID-19 tasdiqlanib, kunlik kasallanish bo‘yicha 2021-yilning yangi antirekordi bo‘lgandi.
Yangi kasallanish holatlarining:
- 6 tasi Qoraqalpog‘iston Respublikasida,
- 5 tasi Andijon viloyatida,
- 1 tasi Buxoro viloyatida,
- 9 tasi Jizzax viloyatida,
- 4 tasi Qashqadaryo viloyatida,
- 3 tasi Navoiy viloyatida,
- 6 tasi Namangan viloyatida,
- 40 tasi Samarqand viloyatida,
- 8 tasi Surxondaryo viloyatida,
- 6 tasi Sirdaryo viloyatida,
- 3 tasi Farg‘ona viloyatida,
- 7 tasi Xorazm viloyatida,
- 68 tasi Toshkent viloyatida,
- 182 tasi Toshkent shahrida koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.
Shuningdek, 1 nafar koronavirusga chalingan bemor vafot etib, kasallikdan vafot etganlar soni 643 nafarni tashkil qildi.
Ayni paytda tibbiyot muassasalarida davolanayotgan 2620 nafar bemordan 238 nafari og‘ir, 113 nafari esa o‘ta og‘ir ahvolda ekani qayd etilgan.
O‘zbekiston hududlari bo‘ylab 24-aprel kuni jami 15 778 kishi COVID-19’ga qarshi emlanib, kasallikka qarshi emlangan fuqarolar soni 544 529 nafarga yetdi.
Bundan avval O‘zbekiston kasalxonalarida koronavirusga chalingan bolalar soni ortayotgani, mamlakatda qaysi kasalliklardan o‘lim holati kuzatilmayotgani haqida ma’lumot berilgandi.
Izoh (0)