Farg‘ona viloyatining Furqat tumanida bugun, 20-aprel kuni Xalq deputatlari tuman kengashining navbatdan tashqari sessiyasi bo‘lib o‘tdi, deb xabar berdi “Daryo” muxbiri Azizjon Ermatov.
Sessiyada tashkiliy masala ko‘rilgan va viloyat hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari kotibiyat mudiri Jahongir Sobitaliyevich Jumanov Furqat tumani hokimi etib tayinlangan.
Jahongir Jumanov 1982-yil Farg‘ona shahrida tug‘ilgan bo‘lib, Farg‘ona politexnika institutining bakalavr va magistraturasini tamomlagan. Viloyat moliya boshqarmasi, viloyat hokimligida mutaxassis, Oltiariq tuman hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari lavozimlarida ishlagan.
Eslatib o‘tamiz, Furqat tumanining sobiq hokimi Dilmurod Soliyev 13-aprel kuni Prezident Shavkat Mirziyoyev raisligida o‘tkazilgan videoselektorda yoshlar bilan ishlashni lozim darajada tashkil etmagani uchun ishdan olingan edi.
Izoh (0)