O‘zbekiston “Chegara bilmas muxbirlar” (Reporters Without Borders) xalqaro nodavlat tashkiloti tomonidan tuzilgan matbuot erkinligi reytingida o‘tgan yilgiga nisbatan bir pog‘ona pastlab, 157-o‘rinni egalladi, deya xabar bermoqda “Gazeta.uz”.
Ushbu reytingda Norvegiya ketma-ket beshinchi yil yetakchiga aylanmoqda. Undan keyingi o‘rinlarda Finlyandiya, Shvetsiya, Daniya va Kosta-Rika davlatlari turibdi. Shuningdek, kuchli o‘nlikdan Niderlandiya, Yamayka, Yangi Zelandiya, Portugaliya va Shveysariya mamlakatlari o‘rin olgan.
MDH davlatlari orasida yetakchi mamlakatlar sifatida 15-o‘rinni Estoniya, 22-o‘rinni Latviya, 28-o‘rinni Litva davlatlari olgan.
Markaziy Osiyo davlatlaridan esa 79-o‘rinni Qirg‘iziston, 155-o‘rinni Qozog‘iston, 162-o‘rinni Tojikiston, 178-o‘rinni Turkmaniston egallab turibdi.
Bundan tashqari, reytingda Rossiya 150-o‘rindan joy olgan. Eng oxirgi, 180-o‘rinda esa Eritreya mamlakati turibdi.
Eslatib o‘tamiz, 2020-yilda O‘zbekiston ushbu ko‘rsatkich bo‘yicha to‘rt pog‘ona yuqorilab, 157-o‘rinni egallagan edi. 2019-yilda esa mamlakat 160-o‘rinda qayd etilgan.
Mavzuga doir:
- “Chegara bilmas muxbirlar”: dunyo bo‘ylab 387 jurnalist hibsda saqlanmoqda
- “Qiyin bo‘lyapti, lekin o‘rganyapmiz”. Shavkat Mirziyoyev so‘z erkinligi sohasida amalga oshirilayotgan ishlar haqida
- “Hukumat so‘z va matbuot erkinligini ta’minlashni o‘zining asosiy burchi deb bilishi lozim” — Sodiq Safoyev
Izoh (0)