“O‘zbekneftgaz” AJ boshqaruv raisi Mehriddin Abdullayev boshchiligida videoaloqa tizimi orqali “O‘zbekneftgaz” AJ ishlab chiqarish jarayonlarining operatsion samaradorligi va ishonchliligini oshirish loyihasining boshqaruv qo‘mitasi yig‘ilishi bo‘lib o‘tdi.
Yig‘ilish davomida boshqaruv qo‘mitasining E&Y maslahatchisi tomonidan loyihaning ikkinchi va uchinchi bosqichlari doirasida ishlab chiqarish jarayonlari samaradorligini tahlil qilish, ularning ko‘zlangan modelini ishlab chiqish bo‘yicha olib borilgan ishlar natijalari tasdiqlandi.
Xususan, ishlab chiqarishni rejalashtirish, tovar va materiallar bilan ta’minlash, xizmatlar ko‘rsatish, jihozlardan foydalanish, ularga xizmat ko‘rsatish va ta’mirlash sohasidagi mavjud amaliyot va me’yoriy-uslubiy hujjatlarni tahlil qilish natijalari ko‘rib chiqildi.
E&Y maslahatchisi, shuningdek, ishlab chiqarish jarayonlarining boshqa aloqador jarayonlar bilan integratsiyasini o‘z ichiga olgan elementlar bo‘yicha sxemalarni ham o‘zida aks ettiruvchi, ko‘zlangan jarayonlar modelining tavsifini taqdim etdi.
Ishlab chiqarish, tovar va materiallarni rejalashtirish va yetkazib berish, xizmat ko‘rsatish, jihozlardan foydalanish va ta’mirlash sohasida me’yoriy-uslubiy hujjatlar ishlab chiqilgani ma’lum qilindi.
Boshqaruv qo‘mitasi loyiha 4-bosqichi — jarayonlarning ko‘zlangan modelini amalga oshirishda ishtirok etadigan xodimlarni o‘qitish doirasidagi ishlarni boshlashni ma’qulladi.
E&Y maslahatchisi “Korxonaning operatsion samaradorligi indekslarini hisoblash metodikasi va amaliyoti hamda “O‘zbekneftgaz” AJ korxonalarida uskunalarni ta’mirlash va texnik xizmat ko‘rsatishda yangi yondashuvlar” mavzulari bo‘yicha o‘quv dasturlarini taqdim etdi.
Uchrashuv yakunlariga ko‘ra, boshqaruv qo‘mitasi ishchi guruhga jarayonlarning ko‘zlangan modelini amalga oshirish bilan bog‘liq harakatlarni tezlashtirish to‘g‘risida ko‘rsatma berdi.
“O‘zbekneftgaz” AJ matbuot xizmati
Izoh (0)