Toshkentda 18-aprel kuni o‘tkaziladigan duatlon musobaqasi sabab ayrim ko‘chalarda harakat vaqtincha cheklanadi

Toshkent markazidagi ayrim ko‘chalarda 18-aprel, yakshanba kuni avtomobil harakati cheklanadi, deya xabar bermoqda shahar hokimligi.

Qayd etilishicha, duatlon bo‘yicha havaskor va professionallar o‘rtasida O‘zbekiston Ochiq kubogining birinchi bosqichi o‘tkazilishi munosabati bilan 18-aprel kuni soat 07:30 dan soat 12:30 ga qadar quyidagi ko‘chalarda harakatlanish cheklanadi:

• To‘liq yopilish: Zulfiyaxonim ko‘chasi — Labzak ko‘chasidan (Mobiuz ofisi) Nurafshon aylanma yo‘ligacha;
• To‘liq yopilish: Nurafshon aylanma yo‘li — Zulfiyaxonim ko‘chasidan Sharof Rashidov shohko‘chasigacha (Yong‘in xavfsizligi boshqarmasi);
• Ikki taraflama harakatlanish yo‘lning bitta qismi bo‘ylab tashkil qilinadi: Sharof Rashidov shohko‘chasi — Osiyo ko‘chasidan (Yong‘in xavfsizligi boshqarmasi) Abdulla Qodiriy ko‘chasigacha (“Jasorat” haykali);
• Ikki taraflama harakatlanish yo‘lning bitta qismi bo‘ylab tashkil qilinadi: Abdulla Qodiriy ko‘chasi — Sharov Rashidov shohko‘chasidan (“Jasorat” haykali) Labzak ko‘chasigacha (“Anhor Lokomotiv” bog‘i).

Bundan avval Toshkentdagi “Qo‘yliq” ko‘prigi 20-aprelgacha avtomobillar harakati uchun yopilishi haqida xabar berilgandi.