Ijtimoiy tarmoqlarda Sankt-Peterburgdagi “Sibur Arena” futbol stadioni yaqinida joylashgan avtoturargohda BMW haydovchisi drift uyushtirib, mashinasini yoqib yuborgani tasvirlangan video tarqaldi, deb xabar beradi Motor.
Ko‘ngilsiz hodisa tasvirlangan video stadion yaqinida joylashgan kuzatuv kameralari tomonidan yozib olingan. Kadrlardan ko‘rish mumkinki, qora BMW avtoturargohda drift qilmoqda. Shu vaqt avtomobil kapoti ostidan tutun chiqib, nemis modelining motor bo‘lmasi alanga olgan.
Yong‘in nima sababdan yuzaga kelgani hozircha noma’lum. BMW haydovchisi va uning ichida bo‘lgan yo‘lovchi olovni o‘t o‘chirgich bilan mustaqil bartaraf etishga uringan, biroq ularning harakati besamar ketgan. Oradan biroz o‘tgach, voqea joyiga o‘t o‘chiruvchilar yetib kelgan va bir necha daqiqa ichida olovni o‘chirgan. Ammo bu vaqtga kelib sportkar deyarli butunlay yonib bo‘lgan.
Omadsiz drift oqibatida BMW haydovchisi va yo‘lovchiga hech qanday jarohat yetmagan. Sportkar esa qayta tiklanishga yaroqsiz holga kelib qolgan.
Avvalroq Avstraliyada “pokrishka”ni qizdirmoqchi bo‘lgan erkak o‘zining Mercedes-AMG’sini yoqib yuborgandi.
Izoh (0)