Fransiya hukumati o‘zining eski avtomobilini utilizatsiya qilib, o‘rniga elektrovelosiped xarid qilishni istagan fuqarolarga 2,5 ming yevro miqdorida subsidiya taklif etmoqda, deb xabar beradi Esquire.
Ma’lum qilinishicha, ushbu pulga yig‘iladigan velosiped, jamoat transporti uchun karta yoki avtomobil ijarasi uchun abonement xarid qilish mumkin.
Bu boradagi tashabbusni Fransiya quyi palatasi iqlim borasigi qonun loyihasiga tuzatishlar kirish orqali ma’qullagan. U 2030-yilga qadar issiqxona gazlarining ajralishini 1999-yilga nisbatan 40 foizga qisqartirishga yo‘naltirilgan.
Agarda hujjat tasdiqlansa, Fransiya mashinani subsidiya evaziga velosipedga almashtirish mumkin bo‘lgan dunyodagi birinchi mamlakatga aylanadi. Mamlakat hukumati bu orqali avtomobillarning noekologik muammosini hal etish o‘rniga ularni qisqartirishni xohlamoqda.
Eslatib o‘tamiz, 2020-yilning iyunida Britaniyada elektromobil foydasiga oddiy mashinasidan voz kechganlarga 7,6 ming dollardan to‘lanishi to‘g‘risida xabar berilgandi.
Izoh (0)